Josué 8:18 - Chuj San Mateo Bible

¹⁸ Ix lajvi chi', ix yalan Jehová d'a vin̈aj Josué chi' icha tic: Ch'oxb'at q'uen a lanza d'a stojolal chon̈ab' Hai, yujto svac'och jun chon̈ab' chi' d'a yol a c'ab', xchi d'a vin̈. Elan̈chamel ix sch'oxb'at q'uen slanza vin̈ d'a stojolal chon̈ab' Hai chi'.

Chuj San Sebastian Bible

¹⁸ Xlajw cha, xyaln Jehová 'a Josué 'ixtic: Ch'oxb't q'uen 'a lanza et' chi 'a stojlal chon̈b' Hai, yujto an tzwac' jun chon̈b' chi 'a yol a c'ab', xchi. 'Ix sch'oxn 'at Josué q'uen slanza chi 'a stojlal jun chon̈b' cha.

Josué 8:18 ပူးပေါင်းရင်းမြစ်များ

Job 15:25

Icha chi' tz'aj sjavi d'a yib'an̈ eb' syic'chaan̈ sb'a d'a yichan̈ Dios Syal Yuj Smasanil, stec'b'an sb'a eb' d'a yichan̈.

Job 39:23

Vach'chom toxon̈ej stzin̈iljub' q'uen q'ueen ayoch d'a vin̈ ayq'ue d'a yib'an̈ noc', scopoljub' q'uen espada yed' q'uen slanza vin̈,

Ex 14:16

A tzex c'och d'a sti' a' mar chi', tzic'anchaan̈ te' a c'ococh, tzac'anb'at te' d'a yib'an̈ a', ol spojan sb'a a', ol checlajq'ue staquin̈al luum b'aj ol ex ec' d'a yol a' chi'.

Ex 8:1

ix yalan Jehová d'a vin̈aj Moisés icha tic: —Ixic, b'at il vin̈ rey chi', tzalan d'a vin̈ icha tic: A Jehová tz'alan icha tic: Actejel eb' in chon̈ab' yic b'at och eb' ejmelal d'ayin.

Ex 8:5

Ix lajvi chi', ix yalanxi Jehová d'a vin̈aj Moisés chi': —Al d'a vin̈aj Aarón to syac'b'at te' sc'ococh vin̈ d'a yib'an̈ smasanil a a': A cotac a' yed' a nivac n̈ajab', yic sq'ueta b'ulnaj noc' pajtza'. Ol majel yol yic Egipto tic yuj noc', xchi Jehová chi'.

Ez 30:25

Ol vac' yip sc'ab' vin̈ sreyal Babilonia chi', ol vac'anoch q'uen vespada d'a yol sc'ab' vin̈, a vin̈ ol och ajc'olal d'a Egipto chi', axo vin̈ sreyal Egipto chi' ol viq'uel yip sc'ab' vin̈, icha chi' ol aj yojtacanel eb' aj Egipto chi' to a in Jehová in svutej icha chi'.

Josué 8:17

Man̈xa junoc vinac ix can d'a yol chon̈ab' Hai chi' yed' d'a Betel. Masanil eb' ix b'at spech eb' vin̈ soldado israel chi'. Yujto ix b'at eb' smasanil, yuj chi' man̈xa mach ix can stan̈vej schon̈ab' eb' chi'.

Josué 8:19

Val d'a jun rato chi' a eb' vin̈ soldado c'ub'anel d'a spatictac jun chon̈ab' chi', ix och n̈ilnaj eb' d'a yool. Ix yac'an ganar eb', ix sn̈usantz'a eb'.

Josué 8:26

Maj yic' jab'oc yip vin̈aj Josué chi' yed' masanil eb' vin̈ soldado, masanto ix yal scham eb' aj Hai chi' smasanil.

Josué 8:7

Axo yic ol eyilan icha chi', ol ex elta b'aj c'ub'an ex chi', axo eyoch n̈ilnaj d'a yol chon̈ab' chi', yujto a Jehová ol ac'anoch jun chon̈ab' chi' d'a yol co c'ab'.

A Ch'an̈ B'ab'el Libro Samuel 17:41

An̈eja' jun vin̈ filisteo chi', ix snitzcot sb'a vin̈ d'a slac'anil vin̈aj David chi', b'ab'el jun vin̈ ed'jinac smaclab' jul-lab' vin̈ yuuj.

A Ch'an̈ B'ab'el Libro Samuel 17:45

Ix tac'vi vin̈aj David chi' icha tic: —A ach tic tzach cot ac' oval ved'oc yed' q'uen espada yed' q'uen a lanza yed' pax q'uen a cotac lanza. A inxo tic tzin javi vac' oval ed'oc yed' spoder Jehová Yajal d'a Smasanil, aton co Diosal a on̈ soldado israel on̈ tic, aton malaj yelc'och alani.

A Ch'an̈ B'ab'el Libro Samuel 17:6

Aypaxoch q'uen bronce d'a sat spenec vin̈, yed'nac q'uen cotac lanza vin̈ d'a yich spatic.