Josué 6:25 - Chuj San Mateo Bible

²⁵ An̈ej ix Rahab yed' smam snun yed' eb' ayto yuj sb'a yed'oc maj satel-laj yuj vin̈aj Josué chi', yujto colvajnac ix d'a eb' vin̈ xid'naquec' yil jun chon̈ab' chi' d'a sb'ab'elal. Atax ta' ix can ix yed' yin̈tilal d'a scal eb' chon̈ab' israel.

Chuj San Sebastian Bible

²⁵ A Josué 'ix scolcn 'el 'ix Rahab yet' smasnil eb' yican yet' pax smasnil tas 'ay 'a 'ix, yujto a 'ix c'ub'jnac 'el eb' 'ilwjum schecjnac cot Josué 'a chon̈b' Jericó. Atxo 'a yic jun tiempoal cha, ata x'el yich scan eb' yin̈tl 'ix Rahab 'a scal eb' israel.

Josué 6:25 ပူးပေါင်းရင်းမြစ်များ

Mt 1:5

A vin̈aj Salmón chi' smam vin̈aj Booz, a ix Rahab snun vin̈aj Booz chi'. A vin̈aj Booz chi' smam vin̈aj Obed, a ix snun vin̈, Rut sb'i ix. A vin̈aj Obed chi' smam vin̈aj Isaí.

A Tas Sc'ulejnac Eb' Schecab' Jesús Hechos 2:21

Axo eb' syal sb'a d'ayin a in Yajal in tic, ol laj colchaj eb', xchi Dios d'a Slolonel chi'.

A Ch'an̈ Carta D'a Eb' Hebreo 11:31

A ix Rahab, vach'chom ajmul ix ix, palta yac'nacoch Dios ix d'a sc'ool. Maj chamlaj ix yed' eb' spitejnac sb'a d'a Dios, yujto vach' yutejnac sb'a ix schaan eb' israel ec' iljinac chajtil yaj jun chon̈ab' chi'.

Santiago 2:25

Icha pax chi' ajnac jun ix ajmul ix scuch Rahab d'a peca'. Yac'nac sposado eb' vin̈ schecab' israel ix. Slajvi chi' schecannac meltzaj eb' vin̈ ix d'a junxo b'e, yic max yamchaj eb' vin̈. Yuj svach'il yutejnac sb'a ix chi' d'a eb' vin̈, aljinac ix vach'il yuj Dios.

Josué 2:1

Ayic ayec' vin̈aj Josué d'a lum Sitim, ix schecanb'at chavan̈ eb' vin̈ vinac vin̈, yic sb'at yil lum eb' vin̈ d'a elc'altac, ix yalan vin̈ d'a eb' vin̈ icha tic: Ixiquec b'at eyil lum luum chi', tzeyilan val tas yaj chon̈ab' Jericó, xchi vin̈ d'a eb' vin̈. Ix b'at eb' vin̈ b'ian, axo d'a jun ix ajmul ix scuchan Rahab d'a yol chon̈ab' chi' ix c'och eb' vin̈ sc'an sposado. Ix can eb' vin̈ d'a spat ix.

Josué 2:18

palta ayic ol on̈ javoc cac' oval yed' a chon̈ab' tic, yovalil locanocab'em jun chacchac lasu d'a ventena b'aj ol on̈ aq'uem d'un̈un̈oc tic. Tza molb'ancot a mam a nun, eb' a nulej yed' eb' ayto uj a b'a yed'oc d'a yol a pat tic.

Josué 2:4

Ix yalan ix icha tic: —Yeltoni, ay juntzan̈ eb' vin̈ ix ec' d'a tic, palta man̈ vojtacoc b'ajtil ix cot eb' vin̈. Axo yic vanxo sq'uic'b'i ix b'at eb' vin̈, yujto yorailxo smacchaj spuertail chon̈ab'. Man̈ vojtacoc tas b'eal b'aj ix b'at eb' vin̈. Tato elan̈chamel tzex b'at d'a spatic eb' vin̈, tecan tzato yamchaj eb' vin̈ eyuuj, xchi ix. Icha chi' ix aj yalan ix, palta toxo ix sc'ub'ejel eb' vin̈ ix d'a span̈anil yib'an̈ spat, d'a yalan̈ juntzan̈ an̈ lino manojail yaji.

Josué 4:9

Ix schecan vin̈aj Josué chi' molb'ajpax lajchavexo q'uen d'a yol sb'e a' Jordán chi', b'aj ix och vaan eb' sacerdote d'a yol sb'e a' yed' te' scaxail trato chi', a juntzan̈ q'uen q'ueen chi' ix cann̈ej q'ueen ta'.