Josué 5:10 - Chuj San Mateo Bible

¹⁰ Ayic aytoec' eb' israel d'a yol scampamento d'a Gilgal d'a ac'lic d'a yichan̈cot Jericó, d'a 14 yoch uj d'a yemc'ualil, ix yac'anoch q'uin̈ eb' yic snaancot eb' ayic yelnac eb' libre d'a Egipto.

Chuj San Sebastian Bible

¹⁰ A yic 'ayc' eb' 'anma chi yet' scamplamento 'a lum Gilgal 'a lum span̈nil chon̈b' Jericó, ax 'a yemc'ul 'a yic chan̈lajn̈e yoch jun 'uj cha, 'ix snan eb' israel chi q'uin̈ yic yel eb' 'a libre.

Josué 5:10 ပူးပေါင်းရင်းမြစ်များ

A Ch'an̈ Schab'l Libro Samuel 15:28

A inxo tic, ol in can d'a span̈anil lum b'aj te cuseltacxo tic, masanto ol ja specal d'ayin eyuuj, xchi vin̈ rey chi'.

Ex 12:11

Ayic ol ex va chi', tzec'b'ilocab' e nan̈al, ayocab'och e xan̈ab', yamb'ilocab'q'ue e c'ococh eyuuj, d'a elan̈chamel ol aj e chi'an noc'. Aton ta' tzeyac'och q'uin̈, yic tzin eyic'anchaan̈ a in Jehová in tic, yujto ol in ec' d'a stitac e pat.

Ex 12:18

Tz'el yich e vaan ixim pan malaj yich chi' d'a 14 yoch b'ab'el uj d'a yemc'ualil masanto d'a 21 yoch jun uj chi' d'a yemc'ualil.

Ex 12:6

Tze sic'canel noc' masanto d'a 14 yoch jun uj tic. Tze milcham noc' d'a yemc'ualil d'a jun c'u chi'.

Jeremías 39:5

Palta ix och eb' soldado yic Babilonia chi' d'a spatic eb', ix yamchaj vin̈aj Sedequías chi' yuj eb' d'a span̈anil Jericó. Ix yic'anb'at vin̈ eb' d'a vin̈aj rey Nabucodonosor d'a chon̈ab' Ribla d'a yol smacb'en Hamat. Ata' ix yal vin̈ tas ol utaj vin̈aj Sedequías chi'. Ix schecan vin̈ miljoccham eb' yuninal vin̈aj Sedequías chi' d'a yichan̈ yed' masanil eb' nivac vinac yaj d'a Judá.

Ez 12:3

Yuj chi' molb'ej a c'ael, ichato van ic'jib'at d'a ch'oc chon̈ab'il. D'a c'ualil, yichan̈ val eb' tzach elta d'a yol a pat, ch'ocxo b'aj tzach b'atcani, tecan ol nachajel yuj eb' icha chi, vach'chom te pit eb'.

Lv 23:5

A q'uin̈ yic tze naancoti ayic ex vic'anelta d'a Egipto, tz'el yich d'a yemc'ualil d'a 14 yoch b'ab'el uj. Aton jun q'uin̈ chi' tzeyac'ochi yic tzin eyic'anchaan̈.

Miqueas 6:5

Ex in chon̈ab', naeccoti tas chucal snanac vin̈aj Balac sreyal Moab d'a yib'an̈ eb' e mam eyicham chi'. Naecpaxcoti tas yutejnac vin̈aj Balaam yuninal vin̈aj Beor spacani. Naecpaxcoti tas ujinac d'a scal Sitim yed' Gilgal. Tze naanpaxcoti tastac vutejnac ex in colani, xchi Jehová.

Josué 4:19

Ayic ix ec' eb' israel d'a yol a' Jordán chi', d'a val slajun̈il c'ual yoch b'ab'el uj, ix c'och eb' d'a Gilgal, d'a yichan̈cot Jericó d'a stojolal b'aj sjavi c'u.

Josué 5:11

Axo d'a yevial slajvi q'uin̈ chi', a tastac tz'el d'a sat luum chi', a ix sva eb', aton ixim pan malaj yich yed' ixim trigo mayb'il d'a cal c'ac'.

Josué 9:6

Ayic ix javi eb' d'a scampamento vin̈aj Josué d'a Gilgal, ix yalan eb' d'a vin̈ yed' d'a eb' yajalil chon̈ab' Israel chi' icha tic: —Te najat b'aj on̈ coti, co gana sco b'o junoc co trato eyed'oc, xchi eb'.

A Ch'an̈ B'ab'el Libro Samuel 7:16

Junjun ab'il xid'ec' vin̈ d'a Betel, d'a Gilgal yed' d'a Mizpa, yuj sch'olb'itan vin̈ tas yaj eb' anima d'a juntzan̈ chon̈ab' chi'.