Josué 22:30 - Chuj San Mateo Bible

³⁰ Ayic ix yab'an vin̈aj sacerdote Finees yed' eb' yajalil chon̈ab', aton eb' yajal yaj d'a junjun in̈tilal, tas ix yal eb' yin̈tilal Rubén, eb' yic Gad yed' nan̈alxo eb' yin̈tilal Manasés, vach' ix yab' eb'.

Chuj San Sebastian Bible

³⁰ A yic xyab'n Finees win ya'mal 'och sti eb' 'anma', yet' ewin yajl yaj 'a eb' chon̈ab', atn ewin syajlil junjn macn̈ 'in̈tal eb' israel yuj tas xyal eb' yin̈tl Rubén, eb' yin̈tl Gad, yet' spacl xo eb' yin̈tl Manasés, caw wach' xyab' eb'.

Josué 22:30 ပူးပေါင်းရင်းမြစ်များ

Gn 28:8

Icha chi' ix aj snachajel yuj vin̈aj Esaú to a vin̈ smam vin̈ chi' max scha sc'ol eb' ix aj Canaán vin̈.

2 Cr 30:4

Yujto ix scha sc'ol vin̈ rey yed' masanil anima tas ix nachaj chi',

Ester 1:21

A jun ix yal vin̈aj Memucán chi', ix scha val sc'ol vin̈ rey chi' yed' masanil eb' ayec' yed' vin̈, ix och d'a yopisio yuj vin̈.

Pr 15:1

Tato sco pac junoc lolonel d'a emnaquilal, stup oval yuuj. Tato ov scutej co pacan jun, ste vach' q'ue vaan oval chi'.

A Tas Sc'ulejnac Eb' Schecab' Jesús Hechos 11:18

Axo eb' creyente d'a Jerusalén chi', ayic ix yab'an juntzan̈ chi' eb', man̈xalaj tas ix yal eb'. Axon̈ej vach' lolonel ix yal eb' d'a Dios. Ix yalan eb': —An̈ejtona' pax eb' man̈ israeloc, a Dios ix ac'an sna sb'a eb' yic vach' scha sq'uinal eb' d'a juneln̈ej qued'oc, xchi eb'.

Josué 22:29

Colvajocab' Jehová qued'oc yic malaj b'aq'uin̈ ol co pitej co b'a d'ay, ma ol cactejcani, sco b'oanq'ue junocxo altar yic sco n̈usantz'a silab' yed' cac'an ixim trigo ofrendail, ma cac'an juntzan̈xo silab'. Palta to a d'a altar yic Jehová co Diosal ay d'a yichan̈ scajnub', an̈ej ta' smoj tz'ac'ji silab' chi', xchi eb'.

Josué 22:31

Ix lajvi chi', a vin̈aj Finees chi' ix alan d'a eb' icha tic: —A ticnaic jun, toxo ix nachajel cuuj to ayoch Jehová qued'oc, yujto a ex tic man̈ pitoc ix eyutej e b'a d'ay, yuj chi' malaj yaelal ol yac'cot d'a quib'an̈.

Josué 22:33

Ix scha sc'ol eb' tas ix yalcot juntzan̈xo eb' chi', yuj chi' ix yalan vach' lolonel eb' d'a Dios yuj eb'. Atax ta' man̈xalaj tas ix yal eb' yuj yac'an oval eb' yed' eb' yin̈tilal Rubén yed' eb' yic Gad, yic b'at satjiel eb' yuj eb'.

Jueces 8:3

A Dios ix ac'anoch eb' yajalil eb' madianita d'a yol e c'ab' a ex tic, aton vin̈aj Oreb yed' vin̈aj Zeeb. Malaj yelc'och tas ix in c'ulej a in tic d'a yichan̈ tas nivan yelc'och ix e c'ulej chi' a ex tic, xchi vin̈. Ayic ix yab'an eb' tas ix yal vin̈ chi', ix sicb'iem yoval sc'ol eb' chi'.

A Ch'an̈ B'ab'el Libro Samuel 29:6

Yuj chi' ix avtajcot vin̈aj David chi' yuj vin̈aj Aquis chi', ix yalan vin̈: —Syil Jehová to te vach' a pensar. Ix scha val in c'ool a b'eyb'al ayic ach ec'n̈ej ved'oc. Malaj jab'oc a paltail ix vila' yictax ach javi d'a tic, masanto ticnaic. Palta a eb' vetyajalil tic, max schalaj sc'ol eb' tzach b'at qued' d'a oval.