Josué 21:10 - Chuj San Mateo Bible

¹⁰ A eb' levita yin̈tilal Coat yin̈tilal pax Aarón, a eb' ix b'ab'laj chaan juntzan̈ chon̈ab' tic.

Chuj San Sebastian Bible

¹⁰ A eb' yin̈tl Leví x'i'n can jun tzo'n̈ tic, eb' cotnc 'a yin̈tl Coat, win smam 'ichm Aarón; a eb' sb'ab'l chaj yico'.

Josué 21:10 ပူးပေါင်းရင်းမြစ်များ

1 Cr 6:54

Aton juntzan̈ chon̈ab' tic yed' smacb'en b'aj ix cajnaj eb' vin̈ yin̈tilal vin̈aj Aarón. Ix och suerte d'a yib'an̈ eb' vin̈. A d'a eb' vin̈ yin̈tilal vin̈aj Coat ix em jun b'ab'el macan̈, yuj chi' a chon̈ab' Hebrón d'a yol yic Judá, a ix can d'a eb' vin̈ yed' sluumal d'a spatictac b'aj sva noc' smolb'etzal noc' eb' vin̈. Palta a juntzan̈ yaldeail yed' sluumal d'a spatictac chi' ac'b'il d'a vin̈aj Caleb yuninal vin̈aj Jefone. A d'a eb' vin̈ yin̈tilal vin̈aj Aarón chi' ix ac'chaj Hebrón, aton jun chon̈ab' chi' b'aj syal scolan sb'a eb' smilancham junoc anima man̈ sc'anoc sc'ool. Ix ac'jipax juntzan̈xo chon̈ab' tic d'a eb': Libna, Jatir, Estemoa, Hilén, Debir, Asán yed' Bet-semes. A juntzan̈ chon̈ab' chi', a d'a yol yic Judá ay. Axo d'a yol yic Benjamín ix ac'chaj juntzan̈xo chon̈ab' tic: Geba, Alemet yed' Anatot. A juntzan̈ chon̈ab' chi', 13 d'a smasanil, ix cann̈ej yed' sluumal d'a spatictac b'aj syal sva noc' smolb'etzal noc' eb'.

Ex 6:18

A vin̈aj Coat chi', 133 ab'il ix ec' vin̈. A sb'i eb' yuninal vin̈, aton tic: Vin̈aj Amram, vin̈aj Izhar, vin̈aj Hebrón yed' vin̈aj Uziel.

Nm 3:19

A eb' yuninal vin̈aj Coat: Aton vin̈aj Amram, vin̈aj Izhar, vin̈aj Hebrón yed' vin̈aj Uziel, aton eb' vin̈ tic sb'inajn̈ej d'a yin̈tilal.

Nm 3:27

A eb' yin̈tilalcan vin̈aj Coat, chan̈ macan̈ yaj eb': Aton eb' yin̈tilalcan vin̈aj Amram, eb' yin̈tilalcan vin̈aj Izhar, eb' yin̈tilalcan vin̈aj Hebrón yed' eb' yin̈tilalcan vin̈aj Uziel.

Nm 4:2

Ic'q'ue vaan sb'isul eb' yin̈tilalcan vin̈aj Coat d'a stzolal d'a scal eb' levita,

Josué 21:11

A d'a tzalquixtac d'a yol yic eb' yin̈tilal Judá, ix ac'ji Quiriat-arba d'a eb', aton Hebrón schon̈ab'can vin̈aj Arba smam yicham vin̈aj Anac.

Josué 21:4

D'a sb'ab'elal ix och suerte d'a jun macan̈ eb' levita yin̈tilal vin̈aj Coat, aton eb' sacerdote yin̈tilal vin̈aj Aarón. 13 chon̈ab' ix ac'ji d'a eb', aton juntzan̈ chon̈ab' ay d'a yol yic eb' yin̈tilal Judá, d'a yol yic eb' yin̈tilal Simeón yed' d'a yol yic eb' yin̈tilal Benjamín.

Josué 21:9

A juntzan̈ chon̈ab' ol b'inaj tic, a d'a yol yic eb' yin̈tilal Judá ay yed' d'a yol yic eb' yin̈tilal Simeón.