Josué 18:21 - Chuj San Mateo Bible

^21-24 A juntzan̈ chon̈ab' ix yic'can eb' yin̈tilal Benjamín chi', 12 d'a smasanil yed' yaldeail, aton Jericó, Bet-hogla, Emec-casis, Bet-arabá, Zemaraim, Betel, Avim, Pará, Ofra, Quefar-haamoni, Ofni yed' Geba.

Chuj San Sebastian Bible

^21-24 A jun tzo'n̈ chon̈b' xyij eb' yin̈tl Benjamín, chac'aj yaj lu'um. Jun b'ab'el 'ay lajchwe chon̈b' yet' yaldeail, atn eb' tic: Jericó, Bet-hogla, span̈nil Casis, Bet-arabá, Zemaraim, Bet-el, Avim, Pará, Ofra, Quefar-haamoni, Ofni yet' Geba.

Josué 18:21 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 3:4

Ix xid'ec' vin̈ yac' silab' d'a Gabaón yujto, nivan yelc'och jun lugar chi'. Jun mil noc' silab' ix yac' n̈usjoc tz'a vin̈ d'a jun altar ay ta'.

Ez 48:23

A lum smacb'en juntzan̈xo macan̈ yin̈tilal Israel, sb'atn̈ej d'a sur. Junjun in̈tilal ol scha junjun macan̈ sluum, schael d'a tz'acan̈ d'a stojolal b'aj sjavi c'u masanto sc'och d'a tz'acan̈ d'a stojolal b'aj tz'em c'u. Icha tic ol aj schaan smacb'en eb' chi' d'a stzolal: Benjamín, Simeón, Isacar, Zabulón yed' Gad.

Lc 10:30

Yuj chi' ix yalxi jun ab'ix tic Jesús d'a vin̈: —A junel ay jun vin̈ van sb'ey d'a jun b'e scot d'a Jerusalén sc'och d'a Jericó. Ix yamji vin̈ yuj juntzan̈ eb' elc'um. Ix laj elc'ajel tastac yed'nac vin̈ yed' spichul vin̈. Ix mac'ji vecchaj vin̈, ijan ix cham vin̈ smac'an eb'.

Lc 19:1

Ix c'och Jesús d'a Jericó, ix ec' d'a yol chon̈ab' chi'.

Josué 15:6

sq'uec'och d'a Bet-hogla, tz'ec' d'a snorteal Bet-arabá, sb'atxi lum ta', masanto sc'och d'a q'uen tenam yic vin̈aj Bohán, yuninal vin̈aj Rubén.

Josué 18:12

A smojonal luum d'a norte, tz'el yich d'a a' Jordán, sb'atn̈ej d'a snorteal Jericó, sb'atn̈ej d'a tzalquixtac d'a stojolal b'aj tz'em c'u, tz'elc'och d'a tz'inan lum d'a yol yic Bet-avén.

Josué 18:19

Tz'ec'pax d'a norte yic Bet-hogla, slajvicanc'och d'a jun sc'ab' a' mar d'a snorteal yic a' mar Muerto, b'aj sc'ochcan a' Jordán, aton smojonal d'a sur chi'.

Josué 18:20

Axo a' Jordán ayoch smojonaloc d'a stojolal b'aj sjavi c'u. Aton juntzan̈ tic smojonal lum ix pojchajec' d'a scal yin̈tilal Benjamín.

Josué 2:1

Ayic ayec' vin̈aj Josué d'a lum Sitim, ix schecanb'at chavan̈ eb' vin̈ vinac vin̈, yic sb'at yil lum eb' vin̈ d'a elc'altac, ix yalan vin̈ d'a eb' vin̈ icha tic: Ixiquec b'at eyil lum luum chi', tzeyilan val tas yaj chon̈ab' Jericó, xchi vin̈ d'a eb' vin̈. Ix b'at eb' vin̈ b'ian, axo d'a jun ix ajmul ix scuchan Rahab d'a yol chon̈ab' chi' ix c'och eb' vin̈ sc'an sposado. Ix can eb' vin̈ d'a spat ix.

Josué 6:1

A spuertail Jericó te vach' yaj smacchaji yujto xiv eb' d'a eb' israel. Yuj chi' malaj junoc mach syal yelta, ma tz'och d'a yol chon̈ab' chi'.

Jueces 1:16

A eb' yin̈tilal vin̈aj Hobab vin̈ quenita, aton vin̈ sn̈i' vin̈aj Moisés, ix el eb' d'a schon̈ab'il te' Palma, ix b'at eb' yed' eb' yin̈tilal Judá, ix b'at cajnaj eb' d'a scal eb' anima cajan d'a tz'inan lum d'a yol smacb'en Judá d'a Neguev, d'a slac'anil chon̈ab' Arad.