Josué 17:5 - Chuj San Mateo Bible

^5-6 Yujto ix ac'ji slum eb' ix yisil vin̈aj Zelofehad chi', icha ix aj yac'ji yic masanil eb' vin̈ vinac, yuj chi' lajun̈ macan̈ luum ix scha eb' yin̈tilal Manasés chi'. Ch'oc pax yaj lum ix yic' nan̈alxo eb' d'a Galaad yed' d'a Basán, aton lum ay d'a stojolal b'aj sjavi c'u d'a a' Jordán.

Chuj San Sebastian Bible

^5-6 Yujto a eb' 'ix yisl Zelofehad, 'ix 'ajx slum eb' 'ix 'icha x'aj yajx slum eb' winac, yuj cha, to lajn̈ petn̈ slum eb' yin̈tl Manasés scha'aj. Chuc pax yaj lum yic Galaad, yet' lum yic Basán 'ix 'ajx 'a jun tzo'n̈ xo eb' yin̈tl Manasés cha, atn lum 'ay 'a stojlal 'aj tzq'uel c'u 'a sti 'ec' a Jordán. Yuj cha, ax lum Galaad 'ix 'ajx 'a jun tzo'n̈ xo eb' yin̈tl Manasés.

Josué 17:5 ပူးပေါင်းရင်းမြစ်များ

Josué 13:11

Ix yiquejcan lum Galaad eb', lum yic eb' gesureo, lum yic eb' maacateo, masanil lum svitzal Hermón yed' masanil lum yic Basán, sc'ochn̈ej d'a Salca.

Josué 17:14

Ix yalan eb' yin̈tilal José d'a vin̈aj Josué icha tic: —¿Tas yuj junn̈ej macan̈ co lum ix ac'a'? A on̈ tic tzijtum co b'isul, yujto ix yic'q'ue vaan co b'isul Jehová, xchi eb'.

Josué 17:4

Ix c'och eb' ix d'a yichan̈ vin̈aj sacerdote Eleazar yed' d'a yichan̈ vin̈aj Josué yed' eb' yajalil chon̈ab'. Ix yalan eb' ix icha tic d'a eb': A Jehová ix alancan d'a vin̈aj Moisés to tz'ac'jican co luum, icha ix aj yac'ji slum masanil eb' ay cuj co b'a yed'oc, xchi eb' ix. Yuj chi' ix ac'ji slum eb' ix yuj vin̈aj Josué icha ix aj yac'ji yic eb' ayto yuj sb'a eb' ix yed'oc, icha ajnac yalan Jehová.