Josué 17:2 - Chuj San Mateo Bible

² A juntzan̈xo eb' yin̈tilal vin̈aj Manasés yuninal vin̈aj José, d'a suerteal ix aj schaan slum eb' d'a stojolal b'aj tz'em c'u d'a a' Jordán. A eb' mam ichamab'il d'a junjun macan̈ eb' tic: Aton vin̈aj Abiezer, vin̈aj Helec, vin̈aj Asriel, vin̈aj Siquem, vin̈aj Hefer yed' vin̈aj Semida.

Chuj San Sebastian Bible

² Ax jun tzo'n̈ xo eb' yin̈tl Manasés, ton̈j 'ix yac' eb' suerte yuj slu'um. 'Ixta xyutj eb' yi'n can slum cha, a tzyal jayc'aj eb' 'a smacl cha, atn eb' yin̈tl Abiezer, Helec, Asriel, Siquem, Hefer yet' Semida. A eb' tic yunnal Manasés eb', yixchicn José eb'.

Josué 17:2 ပူးပေါင်းရင်းမြစ်များ

1 Cr 7:18

A jun ix yanab' vin̈aj Maquir chi': Aton ix Hamolequet, aton ix snun vin̈aj Isod, vin̈aj Abiezer yed' vin̈aj Mahala.

Josué 17:1

Aton lum tic ix yic'can eb' yin̈tilal Manasés, sb'ab'el yuninal vin̈aj José. Axo vin̈aj Maquir b'ab'el yuninal vin̈aj Manasés, aton smam yicham eb' yic Galaad. A eb' ix ic'ancan lum ix yac' scuch eb' Galaad yed' lum yic Basán yujto jelan eb' d'a oval.

Josué 17:3

A vin̈aj Manasés chi' ay yuninal vin̈aj Maquir, axo vin̈aj Maquir chi' ay yuninal vin̈aj Galaad, smam vin̈aj Hefer. Axo vin̈aj Hefer chi' ay yuninal vin̈aj Zelofehad, aton vin̈ malaj junoc yuninal, an̈ej ovan̈ eb' ix yisil vin̈ ay, aton ix Maala, ix Noa, ix Hogla, ix Milca yed' ix Tirsa.

Jueces 6:11

D'a jun tiempoal chi' ix emul Yángel Jehová, ix em c'ojan d'a yich jun te' mach' d'a Ofra, d'a yol yic vin̈aj Joás yin̈tilal Abiezer. Ay jun vin̈ yuninal vin̈aj Joás chi' scuchan Gedeón. A vin̈aj Gedeón chi', van stec'anel ixim strigo vin̈ d'a yol jun b'aj stec'chajel yal te' uva, yic sc'ub'ejel ixim vin̈ d'a eb' madianita chi'.

Jueces 8:2

Palta ix tac'vi vin̈ d'a eb' icha tic: —¿Tom tze na' to ec'b'al yelc'och tas ix co c'ulej d'a sb'ab'elal a on̈ yin̈til on̈ vin̈aj Abiezer tic d'a yichan̈ tas ix e c'ulej d'a slajvub'alxo a ex yin̈tilal Efraín ex tic?