Josué 13:7 - Chuj San Mateo Bible

⁷ Ol a pojcanec' masanil juntzan̈ lum tic d'a b'alun̈ macan̈xo yin̈tilalcan Israel yed' d'a nan̈alxo yin̈tilalcan Manasés, xchi Jehová d'a vin̈aj Josué chi'.

Chuj San Sebastian Bible

⁷ A ticnec, pojcn 'ec' lum lum tic 'a eb' b'aln̈e 'in̈tal yet' 'a spacl xo eb' yin̈tl Manasés, xchi Dios 'a Josué.

Josué 13:7 ပူးပေါင်းရင်းမြစ်များ

Salmos 105:44

A sluum juntzan̈xo chon̈ab' ix yac'canoch d'a yol sc'ab' eb' yed' masanil tas b'ob'il yuj juntzan̈ chon̈ab' chi'.

Salmos 78:55

Ix yic'anel juntzan̈ nación d'a yichan̈ eb'. Ix spojancanec' lum luum chi'. Macquiltac ix yutej d'a junjun yin̈tilal. Ix cajnaj eb' d'a schon̈ab' eb' ajc'ool chi'.

Ez 45:1

Ayic tz'och suerte yic spucchajec' lum luum d'a junjun in̈tilal, yovalil ch'oc tz'ic'chajcanel jab'oc luum vic tz'ajcan a in Jehová in tic, 12 kilómetro yed' nan̈alxo steel luum, oye' kilómetro sat luum. Masanil jun lum chi', vic tz'ajcan luum. A d'a snan̈al lum chi', ata' tz'ic'jicanel junoc macan̈ lum b'aj scan templo, 250 metro tz'aj lum d'a schan̈il pac'an̈. A d'a spatictac lum chi' scan pax jab'oc lum colan tz'ajcani, 25 metro sat.

Nm 33:54

Palta yovalil d'a suerteal tz'aj e pojanec' luum, d'a scal junjun macan̈, jun yic junjun in̈tilal. A junoc macan̈ nivan sb'isul, nivan luum tz'ac'ji d'ay. Axo pax junoc quenn̈ej sb'isul, quenn̈ej pax luum tz'ac'ji d'ay. Junjun macan̈ scan b'aj syal suerte.

Nm 34:13

Ix yal juntzan̈ checnab'il tic vin̈aj Moisés d'a eb' israel: Aton jun luum tic ol e pojec' d'a e patic, aton lum ix yal Jehová to ol pojchajec' d'a scal eb' nan̈al slajun̈il eyin̈tilal, yujto toxo ix schacan smacb'en nan̈al yoxil in̈tilal,

Josué 13:6

Ol viq'uel masanil juntzan̈ eb' tic d'a eyichan̈: Aton eb' aj Sidón yed' masanil eb' cajan d'a tzalquixtac sb'atn̈ej d'a Líbano, masanto d'a Misrefot-maim. A ach ol a pojcanec' luum, ol ac'ancan lum smacb'enoc eb' etisraelal icha val ix aj valan d'ayach.

Josué 13:8

A eb' yin̈tilalcan Rubén, eb' yic Gad yed' nan̈alxo eb' yic Manasés, schanac smacb'en eb' yac'naccan vin̈aj Moisés schecab' Jehová, aton slum eb' d'a stojolal b'aj sjavi c'u d'a a' Jordán.