Josué 12:6 - Chuj San Mateo Bible

⁶ Ix ac'ji ganar juntzan̈ eb' vin̈ rey chi' yuj vin̈aj Moisés, vin̈ schecab' Jehová yed' eb' israel. Ix ac'jican juntzan̈ lum chi' d'a eb' yin̈tilalcan Rubén, d'a eb' yin̈tilalcan Gad yed' d'a nan̈alxo eb' yin̈tilalcan Manasés.

Chuj San Sebastian Bible

⁶ Atn eb' rey chi 'emnc yuj Moisés win schecb' Jehová, yet' pax yuj eb' soldado israel. Ax Moisés cha, a 'ix 'a'n can jun tzo'n̈ lum tic 'a eb' yin̈tl Rubén, 'a eb' yin̈tl Gad yet' 'a spacl eb' yin̈tl Manasés.

Josué 12:6 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 4:19

A vin̈aj Geber yuninal vin̈aj Uri, a vin̈ tz'ic'ancot tastac tz'ab'laj chi' d'a yol yic Galaad, aton b'aj ec'nac schon̈ab' vin̈aj Sehón sreyal eb' amorreo yed' vin̈aj Og sreyal Basán. An̈ej vin̈aj Geber chi' yajal yaj d'a jun macan̈ lum luum chi'.

Nm 32:29

—Tato masanil eb' vinac d'a yin̈tilal Gad yed' d'a yic Rubén lista yaj yac'an oval, ol ec' eb' eyed'oc d'a yol a' Jordán icha yalan Jehová, masanto ol eyic' lum luum chi', ichato chi' tzeyac'an lum Galaad tic smacb'enoc eb'.

Nm 32:32

Qued'nac co yamc'ab' yic oval ol on̈ ec' d'a Canaán chi' icha syal Jehová, palta quic tz'ajcan lum luum d'a stojolal b'aj sjavi c'u tic, xchi eb'.

Nm 32:33

Yuj chi' a d'a eb' yin̈tilalcan Gad yed' d'a eb' yic Rubén yed' d'a nan̈alxo eb' yin̈tilalcan Manasés yuninal vin̈aj José, ix yac' luum vin̈aj Moisés chi', aton lum yic vin̈aj Sehón sreyal eb' amorreo, lum yic vin̈aj Og sreyal Basán yed' jantac chon̈ab' macb'il yuuj yed' jantac smacb'en ay d'a spatictac.

Josué 14:3

Yac'nacxopaxcan lum sc'axepalec' a' Jordán vin̈aj Moisés d'a nan̈al yoxilxo macan̈ eb' yin̈tilalcan Israel chi'. Axo pax eb' yin̈tilalcan vin̈aj Leví, malaj slum eb' ix ac'ji, yujto a eb' yin̈tilalcan José, chab' macan̈ ix aj eb', aton eb' yic Manasés yed' eb' yic Efraín. Yuj chi' a eb' yin̈tilalcan vin̈aj Leví chi' maj yic' junoc macan̈ sluum eb' b'aj junn̈ej tz'ajcani, palta an̈ej juntzan̈ chon̈ab' b'aj syal scajnaj eb' yed' lum ay d'a spatictac schon̈ab' eb' chi' b'aj sva noc' smolb'etzal noc' eb', aton chi' ix ac'ji d'a eb'.

Josué 18:7

Axo pax eb' levita, malaj junoc macan̈ slum eb' ol yic'a'. A tas ol yic' eb', aton sacerdoteal d'a yichan̈ Jehová. A pax eb' yin̈tilal Gad, eb' yic Rubén yed' nan̈alxo yin̈tilal Manasés, ayxo smacb'en eb' d'a stojolal b'aj sjavi c'u d'a a' Jordán, aton lum yac'naccan vin̈aj Moisés schecab' Jehová d'a eb', xchi vin̈aj Josué chi'.

Josué 22:4

A ticnaic, toxo ix elc'och b'aj yac'nac sti' Jehová d'ayon̈, yujto a eb' quetchon̈ab' smasanil, junc'olalxo yaj eb'. Yuj chi' meltzajan̈ec d'a e luum yac'naccan vin̈aj Moisés d'ayex d'a sc'axepalec' a' Jordán.