Jonás 1:10 - Chuj San Mateo Bible

^10-11 Yuj chi', ix och ijan vin̈ yalan d'a eb' ed'jinac te' barco chi' to van yel vin̈ elelal d'a yichan̈ Jehová yalani. Axo ix yab'an eb' to icha chi' yaji, ix yilanpax eb' to yelc'olal ste ovaj a' mar chi', ix te vach' xivq'ue eb', ix och ijan eb' sc'anb'an d'a vin̈ icha tic: ¿Tas yuj icha tic tzutej a b'a? ¿Tas tzach cutej ticnaic yic svanaj a' mar tic? xchi eb'.

Chuj San Sebastian Bible

^10-11 'Ix yaln pax Jonás 'a eb' ch'umn barco cha, chajtlto wan s'at 'elc 'a Jehová. A yic xyab'n eb' to 'ixta', xyiln pax eb' to caw yelc'ojlal tzcot yowl a mar cha, yuj cha, caw 'ix wach' xiw eb' si'mb'il, 'ix sc'a'nb'n pax eb' 'ixtc 'a 'a: —¿Tas yuj 'ixta tza b'o'o? ¿Tas wach' tzach cutj ticnec on̈, sec tz'och numn a mar tic? xchi eb'.

Jonás 1:10 ပူးပေါင်းရင်းမြစ်များ

Gn 3:13

Ix sc'anb'an Dios d'a ix: —¿Tas yuj icha chi' ix a c'ulej? xchi. Ix tac'vi ix: —A noc' chan in ac'an musansatil, yuj chi' ix in lo te', xchi ix.

A Ch'an̈ Schab'l Libro Samuel 24:3

Ix tac'vi vin̈aj Joab chi': —Mamin rey, aocab' Jehová co Diosal tz'ac'an q'uib' sb'isul eb' anima, 100 ocab'to tz'ec' d'a yichan̈ icha ticnaic, olto ila', palta, ¿tas val yuj a gana tzic'chaan̈ sb'isul eb' anima tic? xchi vin̈.

Job 27:22

ol och xuman d'a eb', ol lajvoquel eb' yuuj. Vach'chom olto snib'ej el lemnaj sb'a eb', palta man̈xalaj nivanc'olal d'a eb'.

Jonás 1:3

Palta maj sc'anab'ajej vin̈ tas ix yal Jehová chi', yuj chi' ix snab'at sb'a vin̈ elelal d'a chon̈ab' Tarsis. Ix em vin̈ d'a chon̈ab' Jope b'aj sjavi te' barco d'a sti' a' mar. Ata' ix ilchaj jun te' barco yuj vin̈, vanxo sb'at te' d'a Tarsis chi'. Ix stupan spasaje vin̈, yic najat sb'atcan vin̈ d'a yichan̈ Jehová snaani.

Jn 19:8

Axo ix yab'an jun chi' vin̈aj Pilato chi', ix te xivb'at vin̈.

Josué 7:25

Axo yic ix c'och eb' ta' ix yalan vin̈aj Josué chi' icha tic: —¿Tas yuj ix ic'cot jun yaelal chi' d'a quib'an̈? A ticnaic jun, yac'ocab'cot yaelal Jehová d'a ib'an̈, xchi vin̈. Ix lajvi yalan juntzan̈ chi' vin̈, ix syamanoch eb' israel chi' sjulq'uenancham vin̈aj Acán chi' yed' masanil eb' yuninal. Ix lajvi chi' ix sn̈usancantz'a eb' masanil tastac ay d'a vin̈.