Jn 9:8 - Chuj San Mateo Bible

⁸ Axo ix yilan eb' ay d'a spatic schiquin spat vin̈ yed' juntzan̈xo eb' tz'ilantaxon sc'anan stumin vin̈, ix laj yalan eb': —¿Tom man̈oc jun vin̈ tic tz'em c'ojan c'anoj tumin? xchi eb'.

Chuj San Sebastian Bible

⁸ Ax eb' 'ay 'a stz'ey yatut winac, yet' jun tzo'n̈ xo eb' toxn 'ojtnac winac, to matz uj yiln xon winac, 'ix laj yalnc eb' 'ixtic: —A jun winc tic, 'icha to a jun tz'em wocn sc'an stumin, xchi eb'.

Jn 9:8 ပူးပေါင်းရင်းမြစ်များ

Mr 10:46

Ix c'och Jesús d'a chon̈ab' Jericó yed' eb' sc'ayb'um. Axo yic ix b'atxi eb', man̈ jantacoc anima ix b'at yed' eb'. Axo d'a jun ti' b'e, ay jun vin̈ c'ojanemi, Bartimeo sb'i vin̈, yuninal vin̈aj Timeo, max ujilaj yilan vin̈. Ton̈ej sc'an jab'oc tas vin̈ d'a eb' anima.

Lc 1:58

A eb' cajan d'a slac'anil ix yed' eb' sc'ab' yoc ix, ix te tzalaj eb' yed' ix ayic ix yab'an eb' to a Dios Cajal ix ac'an svach'c'olal d'a ix.

Lc 18:35

Ayic vanxo sc'och Jesús d'a chon̈ab' Jericó, ay jun vin̈ max uji yilani, c'ojan ec' vin̈ d'a ti' b'e, van sc'anan stumin vin̈.

Jn 9:9

—A vin̈ jun, xchi juntzan̈ eb'. Palta ay juntzan̈xo eb' ix alani: —Maay. A jun vin̈ tic, ton̈ej lajan yilji vin̈ yed' jun vin̈ max yal yilan chi', xchi eb'. Palta axo vin̈ ix alani: —A in toni, xchi vin̈.

Rt 1:19

Ix b'eyxicot eb' ix schavan̈il, masanto ix javi eb' ix d'a Belén. Ayic ix javi eb' ix ta', masanil eb' anima ay ta' ix te sat sc'ol eb'. Ix yalan eb' ix ix icha tic: —¿Mantoc a ix Noemí tic? xchi eb' ix.

A Ch'an̈ B'ab'el Libro Samuel 2:8

A Jehová tz'ic'anchaan̈ eb' meb'a' d'a sat luum, sic'anq'ue vaan eb' c'anum tumin d'a scal c'alem, yic tz'em c'ojan eb' d'a scal eb' nivac yajal, tz'och eb' d'a nivac opisio. A Jehová ix b'oanem yich jun yolyib'an̈q'uinal tic, axo d'a yib'an̈ ix sb'oem lum luum tic.

A Ch'an̈ B'ab'el Libro Samuel 21:11

Axo eb' schecab' vin̈aj Aquis chi' ix alan icha tic: —A jun vin̈ tic aton vin̈aj David, icha rey yaj vin̈ d'a Israel. Aton vin̈ sb'itaj yuj eb' ix ix ayic sq'ue chennaj eb' ix, syalan eb' ix icha tic: Smilal eb' ajc'ol ix smilcham vin̈aj Saúl. Lajlajun̈ miltac ix smilcham vin̈aj David, xchi eb' ix, xchi eb'.