Jn 8:7 - Chuj San Mateo Bible

⁷ Ix sc'anb'anxi eb' vin̈ d'ay: —¿Tas xa chi yuj jun tic jun? xchi eb' vin̈ d'ay. Yuj chi' ix q'ue q'uelan, ix yalan d'a eb' vin̈: —Tato ay junoc ex malaj jab'oc e mul, b'ab'laj julejecoch q'uen d'a ix, xchi d'a eb' vin̈.

Chuj San Sebastian Bible

⁷ 'Ix sc'anb'n pax wal ewin 'ixtc 'a jun 'ejm xo: ¿Tas wal xa chi yuj jun tic jun? xchi pax ewinac. Yuj cha, 'ix q'uex lin̈an, 'ix yaln 'a ewin 'ixtic: —Toto 'ay junc ex caw may jac e mul, b'ab'l juljec 'och junc q'uen 'a 'ix, schi 'a ewinac.

Jn 8:7 ပူးပေါင်းရင်းမြစ်များ

Pr 12:18

A eb' comonn̈ej sloloni, syac' echnaj spixan eb' yetanimail eb' icha yed' junoc q'uen cuchilub'. Axo pax eb' jelan spensar jun, snivanej sc'ol eb' anima eb' yed' tas syala'.

Jn 7:46

—Malaj junoc mach stzac'van slolon icha slolon chi', xchi eb'.

Jn 8:10

Ix lajvi chi', ix q'ue q'uelan Jesús chi', ix yilani sch'ocojxon̈ej ix ayeq'ui. Yuj chi' ix yalan d'a ix: —Ach ix, ¿b'aj ay eb' vin̈ van yac'anoch chi' d'a ib'an̈? ¿Tom malaj junoc eb' vin̈ tz'ac'anoch d'a ib'an̈? xchi d'a ix.

Jn 8:8

Ix lajvi yalan juntzan̈ chi', ix emxi n̈ojan, ix stz'ib'anxiem juntzan̈xo tas d'a sat luum chi'.

A Scarta San Pablo D'a Eb' Aj Colosas 4:6

Vach'n̈ej tzeyutej e loloni, tze ch'oxanel e vach'c'olal d'a eb'. Tato icha chi' ol nachajel eyuuj tas ol aj e pacan tas sc'anb'ej junjun eb' d'ayex.

Apoc 1:16

Yed'nacq'ue uque' c'anal d'a svach' c'ab'. A d'a yol sti' ayelta jun espada jay ye d'a schab'il pac'an̈. A sat, copopi yilji icha yoc c'u stup yoc co sat quilani.

Apoc 19:15

Axo d'a yol sti' jun b'aj tzac'anoch eb' chi', ayelta jun espada te jay ye, yic steclab'an d'a junjun nación. A ol och yajalil d'a eb' yed' jun sq'uen c'ococh. Icha stec'jiel yal sat te' uva, icha chi' ol aj yoch syaelal eb' yuuj. Ol ac'joc val syaelal eb' sic'lab'il yuj yoval sc'ool Dios, aton masanil tas syal yuuj.

Apoc 2:16

Yuj chi', naec e b'a ticnaic, tato maay, elan̈chamel ol in javoc d'ayex, ol vac'an oval yed' eb' icha chi' sc'ulej. A jun espada ayelta d'a yol in ti', a ol vac'lab'ej.