Jn 8:53 - Chuj San Mateo Bible

⁵³ ¿Tom ec'to elc'och d'a yichan̈ vin̈ co mam quicham aj Abraham chi'? Ina chamnac vin̈, chamnacxo pax eb' schecab' Dios chi', ¿mach ach a naan ticnaic? xchi eb' vin̈ d'ay.

Chuj San Sebastian Bible

⁵³ ¿Tom 'ec'b'al el'ch 'a yib'n̈ qui mam quichmec Abraham cha? Yet' pax 'a ewin schecb' Dios chi pecti', ¿tom 'ec'b'al pax el'ch 'a yib'n̈ ewinac? 'In chamnc ewin chi smasnil. ¿Machch cob' a nanc ticnec? xchi ewin 'a 'a.

Jn 8:53 ပူးပေါင်းရင်းမြစ်များ

Is 9:6

Yujto ix alji jun vinac unin d'a co cal. A Dios ix ac'an jun unin tic d'ayon̈. A jun unin tic, ol ac'chajoch yopisio yac'an Yajalil. Ol ac'chajoch juntzan̈ b'i tic d'ay: Ac'um Razón te Jelan, Dios Syal Yuj Smasanil, Mamab'il Ayn̈ejec' d'a Juneln̈ej, Yajalil Ac'um Junc'olal.

Mt 12:6

Palta a in tic sval d'ayex, ay jun d'a e cal tic ec'to yelc'och d'a yichan̈ stemplo Dios, a in ton tic.

Mt 3:9

Man̈ eyal icha tic: Malaj pena, yin̈til on̈ can vin̈aj Abraham. Yuj chi' malaj tas ol javoc d'a quib'an̈, man̈ xe chioc. Yujto a in sval d'ayex, tato sgana Dios, syal yoch juntzan̈ q'uen q'ueen tic yin̈tilaloc vin̈aj Abraham chi' e q'uexuloc.

Jn 10:33

—Man̈ yujoc junoc vach' ix a c'ulej tzach co julchamoc, palta yujn̈ej to tzach b'uchvaj d'a Dios. A ach tic anima achn̈ej, palta ina tzaloch a b'a Diosal, xchi eb'.

Jn 12:34

Axo ix yalan eb' anima d'ay: —A d'a ley aycan d'ayon̈, ata' ix cab'i to a Cristo ayn̈ejec' d'a masanil tiempo. Yuj chi', ¿tas yuj tzala' to a jun Ac'b'ilcot yuj Dios yoch animail, yovalil ol ic'jocq'ue d'a chaan̈? ¿Mach jun Ac'b'ilcot tzal chi'? xchi eb' d'ay.

Jn 19:7

Ix yalanpax eb' aj Judea chi' d'a vin̈: —Palta ay jun ley aycan d'ayon̈. Yuj jun ley chi' yovalil ol miljoccham jun vin̈ tic, yujto ix yaloch sb'a vin̈ Yuninaloc Dios, xchi eb'.

Jn 4:12

Joyb'ilcan sjaj a a' tic yuj vin̈ co mam quicham aj Jacob. A vin̈ uc'jinac a' yed' eb' yuninal d'a tic yed' masanil noc' smolb'etzal noc'. Chamnac vin̈, scannac jun a' tic d'ayon̈. A achxo tic ¿tom ec'al opisio d'a vin̈aj Jacob chi'? xchi ix d'ay.

Jn 5:18

Yujto ix yal juntzan̈ chi' Jesús, ijanxo val sgana eb' smilchamoc. Man̈ocn̈ej yuj b'aj max sc'anab'ajej sc'ual ic'oj ip chi', palta yujto slajb'ej sb'a yed' Dios ayic syalanoch Dios chi' Smamoc.

Jn 8:58

—Val yel sval d'ayex, ayic manto alji vin̈aj Abraham chi', ayintaxoneq'ui, xchi Jesús chi' d'a eb' vin̈.

Ro 9:5

A juntzan̈ eb' nivan yelc'och d'a yichan̈ Dios d'a peca', aton eb' smam yicham eb'. A Cristo, ata' ul yac'nacoch sb'a animail, yochnac yetchon̈ab'oc eb'. A Cristo chi', aton Dios Yajal yaj d'a yib'an̈ smasanil tasi. Masanil tiempo ol aljoc vach' lolonel d'ay. Amén.