Jn 8:25 - Chuj San Mateo Bible

²⁵ —¿Mach ach jun? xchi eb' vin̈ d'ay. Palta ina valnacxo d'ayex d'a yalan̈taxo, mach in.

Chuj San Sebastian Bible

²⁵ —¿Machch cob' jun? xchi pax ewin 'a 'a. —Palta 'in waljnacx 'ayx 'a yaln̈taxi, mach in.

Jn 8:25 ပူးပေါင်းရင်းမြစ်များ

Lc 22:67

—Al d'ayon̈, ¿tom a ach tic Cristo ach? xchi eb' vin̈ d'ay. —Nab'an̈ej sval d'ayex, ¿tom ol e cha eyab' d'ayin?

Jn 1:19

A junel, ay juntzan̈ eb' israel aj Jerusalén, ix schecb'at jayvan̈ eb' sacerdote eb' yed' jayvan̈ eb' yin̈tilal Leví. A d'a vin̈aj Juan ix c'och eb'. Ix sc'anb'an eb' d'a vin̈: —¿Mach ach? xchi eb'.

Jn 1:22

Ix sc'anb'anxi eb' d'a vin̈: —¿Mach ach pax jun? Al d'ayon̈ mach ach, yujto yovalil ol b'at calxi yab' eb' on̈ checancoti. Al d'ayon̈ tas aji, xchi eb'.

Jn 10:24

Axo eb' aj Judea ayec' ta', ix och oyan eb' d'a spatic Jesús. Ix yalan eb': —¿B'aq'uin̈to ol al sjichanil d'ayon̈? Tato yel Cristo ach, al d'ayon̈ ticnaic, xchi eb' d'ay.

Jn 19:9

Yuj chi' ix ochxic'och vin̈ d'a yol sdespacho, ix sc'anb'an vin̈ d'a Jesús: —¿B'ajtil cotnac ach jun? xchi vin̈ d'ay. Palta maj tac'voclaj Jesús chi' d'a vin̈.

Jn 8:12

Ix yalanxi Jesús d'a eb' anima: —A in tic, icha saquilq'uinal vaj d'a eb' anima d'a yolyib'an̈q'uinal tic. A mach tz'och tzac'an vuuj, ol vac' saquilq'uinal d'ay. Yuj jun saquilq'uinal chi', ol scha sq'uinal d'a juneln̈ej. Man̈xo ol b'eyec' d'a q'uic'alq'uinal, xchi Jesús.

Jn 8:24

Yuj chi' sval d'ayex, d'a scal e mul ol ex chamoc. Tato max eyac'och d'a e c'ool to A In Ton Tic, a d'a scal e mul ol ex chamoc, xchi.

Jn 8:26

Tzijtumto tas ol val eyuuj yed' ex in ch'olb'itani. A jun checjinac in coti, te yel syala'. A tas yalnaccan d'ayin, an̈ej chi' sval d'ayex a ex ayex d'a yolyib'an̈q'uinal tic, xchi d'a eb' vin̈.