Jn 7:23 - Chuj San Mateo Bible

²³ A ex tic tzeyac' circuncidar eb' unin d'a sc'ual ic'oj ip, yic max ex ec' d'a yib'an̈ jun ley Moisés chi'. Tato icha chi', ¿tas yuj scot eyoval d'ayin yujto ix vac' b'oxoc sc'ol jun vin̈ penaay d'a sc'ual ic'oj ip chi'?

Chuj San Sebastian Bible

²³ Ax tic, 'in tzeyac' circuncidar eb' 'unn 'a sc'ul 'iljelal, sec matz ex 'ec' 'a yib'n̈ jun ley yic Moisés cha. Toto 'ixta', ¿tas yuj tzex owx 'ayin, yujto xwac' b'oxc sc'ojl jun win ya'ay 'a sc'ul 'iljelal cha?

Jn 7:23 ပူးပေါင်းရင်းမြစ်များ

Ex 31:14

Nivanocab' yelc'och jun sc'ual ic'oj ip chi' d'a yol e sat. A mach max c'anab'ajan jun c'ual ic'oj ip chi', yovalil schami. Yaln̈ej mach smunlaj d'a jun c'u chi', yovalil schami.

Mt 12:10

Ata' ay jun vin̈ sicb'inaquel sc'ab', juneln̈ej taquin̈ roquinac. Axo eb' vin̈ chi', sgana eb' vin̈ ay junoc smul Jesús tz'ilchaji, yic syac'och eb' vin̈ d'a yib'an̈. Yuj chi', ix stz'acan sc'anb'ej eb' vin̈ d'ay: —¿Ay am sleyal scac' b'oxoc junoc penaay d'a sc'ual ic'oj ip, mato maay? xchi eb' vin̈.

Mt 12:2

Palta ix yilan juntzan̈ eb' vin̈ fariseo tas ix sc'ulej eb', yuj chi' ix yalan eb' d'a Jesús: —Ina eb' a c'ayb'um tic. Van smunlaj eb' d'a sc'ual ic'oj ip, palta man̈ sleyaloc sco c'ulej icha chi', xchi eb' vin̈.

Mt 12:5

¿Tom malaj b'aj ix eyil d'a ley Moisés to a eb' sacerdote, eb' ay d'a yol stemplo Dios, man̈ sc'anab'ajejnacoc sc'ual ic'oj ip eb'? Palta man̈ ochnacoclaj smuloc eb'.

Jn 5:10

Yuj chi' ay jayvan̈ eb' aj Judea ix alan d'a vin̈: —A ticnaic, sc'ual ic'oj ip. Man̈ sleyaloc tzic'chaan̈ a vaynub' tic, xchi eb' d'a vin̈.

Jn 7:21

Yuj chi' ix yalanxi d'a eb': —Ay jun tas ix in c'ulej d'a sc'ual ic'oj ip. E masanil ix sat e c'ool yuuj.

Jn 9:16

Yuj chi' ay jayvan̈ eb' vin̈ ix alan d'a vin̈: —A jun vin̈ chi', man̈ yicoclaj Dios yaj vin̈, yujto max sc'anab'ajej sc'ual ic'oj ip vin̈, xchi eb' vin̈. Palta ix laj yalan juntzan̈xo eb' vin̈: —Tato chuc vin̈, ¿tom syal sch'oxan juntzan̈ satub'tac vin̈? xchi eb' vin̈. Yuj chi' chapoj ix aj eb' vin̈.