Jn 5:36 - Chuj San Mateo Bible

³⁶ Palta ay junxo ec'al yelc'och d'a vin̈aj Juan chi'. A sch'oxaneli tas vopisio, yujto a juntzan̈ tas syac' in Mam in c'ulej, a tzin c'ulej. Icha chi' tz'aj scheclajeli to a in Mam chi' checjinac in coti.

Chuj San Sebastian Bible

³⁶ Palta 'ay junx 'ec'b'al yel'ch 'a yib'n̈ Juan cha. A tzch'oxn 'eli tas wopiso. Yujto a jun tzo'n̈ tas tzyac' in Mam in b'o', a tzin b'o'o. 'Ixta tz'aj scheclj 'eli, to a 'in Mam chi checjnacn coti.

Jn 5:36 ပူးပေါင်းရင်းမြစ်များ

Mt 11:4

Yuj chi' ix yalan d'a eb' vin̈: —Paxan̈ec d'a vin̈aj Juan chi', tzeyalan d'a vin̈ tastac van eyab'ani, eyilan d'a tic.

Lc 2:49

Ix tac'vi Jesús d'a ix icha tic: —¿Tas yuj tzin e sayeq'ui? ¿Tom man̈ eyojtacoc to yovalil a smunlajel in Mam tzul in b'o'o? xchi.

Jn 10:25

Yuj chi' ix tac'vi d'a eb': —Ina toxo ix val d'ayex, palta max in eyac'och d'a e c'ool. A juntzan̈ satub'tac tzin ch'oxo', yujn̈ej spoder in Mam tzin ch'oxo'. Yujn̈ej juntzan̈ chi' scheclaji mach in.

Jn 11:37

Ay pax eb' ix laj alani: —A Jesús tic, a' b'ojinacxi sat jun vin̈ max yaltaxon yilani. ¿Tom maj yal ix colvaj d'a vin̈aj Lázaro tic, yic vach' maj chamlaj vin̈? xchi eb'.

Jn 15:24

A juntzan̈ satub'tac ix laj in ch'ox d'a scal eb', malaj junocxo mach syal yuuj icha chi'. Q'uinaloc malaj juntzan̈ satub'tac chi' ix in ch'oxo', malaj am smul eb'. Axo ticnaic, vach'chom ix yil juntzan̈ chi' eb', palta an̈eja' ayoch eb' ajc'olal d'ayin, ajc'ool pax eb' d'a in Mam.

Jn 17:4

Ayic ayinec' d'a yolyib'an̈q'uinal tic, ix in ch'oxo' to te nivan elc'ochi. A jun munlajel ac'b'ilcan tic d'ayin uuj, toxo ix yic' sb'a.

Jn 2:23

Ayic ayec' Jesús d'a Jerusalén yuj sq'uin̈ eb' israel yic snachajcot tas aj yelnaccot eb' d'a Egipto, tzijtum eb' ix ac'anoch Jesús d'a sc'ool, yujto ix yil juntzan̈ satub'tac eb' ix sch'oxo'.

Jn 3:17

A in tic, Yuninal in ton Dios. Man̈ yujoc vac'an syaelal eb' anima in ac'jicot d'a yolyib'an̈q'uinal tic, palta yuj ul in colancanel eb'.

Jn 3:2

Ix c'och vin̈ d'a Jesús d'ac'valil, ix yalan vin̈ d'ay icha tic: —Ach co C'ayb'umal, cojtac to a Dios checjinac ach cot on̈ a c'ayb'ej, yujto ay juntzan̈ satub'tac tza ch'oxo'. Malaj junoc mach syal sc'ulan juntzan̈ chi', tato man̈ ayoc och Dios yed'oc, xchi vin̈ d'ay.

Jn 4:34

Palta ix yalanxi d'a eb': —Ayic tzin c'ulan tas sgana jun in checancoti, yic syic'an sb'a smunlajel, ichato tzin va svab'i.

Jn 5:32

Palta ay junxo tz'alani tas vopisio. A jun chi', vojtac to te yel syala'.

A Tas Sc'ulejnac Eb' Schecab' Jesús Hechos 2:22

Ex vetisraelal, aq'uecoch e chiquin d'a juntzan̈xo ol val tic d'ayex. A Dios ix ch'oxani chajtil yopisio Jesús aj Nazaret d'ayex, ayic ix sb'oan juntzan̈ milagro, juntzan̈ malaj b'aj squila' yed' juntzan̈xo tas sch'oxanel spoder. A juntzan̈ chi' ix sb'o Dios yed' Jesús. Ina eyojtactaxon juntzan̈ tic.

1 Jn 5:9

Sco cha tax cab' tas syal eb' anima d'a yolyib'an̈q'uinal tic, ocxom val tas syal Dios ec'alxo yelc'ochi. A val lac'an ix ac'an testigoal to Yuninal.