Jn 21:3 - Chuj San Mateo Bible

³ Axo vin̈aj Simón Pedro ix alan d'a eb' vin̈: —Ol in b'at yamoj chay, xchi vin̈ d'a eb' vin̈. —Ol on̈ b'at ed'oc, xchi eb' vin̈ d'a vin̈. Yuj chi' ix b'at eb' vin̈. Ix och eb' vin̈ d'a yol jun te' barco. Palta a d'a jun ac'val chi', malaj junoc noc' ix yamchaj yuj eb' vin̈.

Chuj San Sebastian Bible

³ Ax Simón Pedro 'ix aln 'a eb' 'ixtic: —To 'oj in 'at yamj chay, xchi 'a eb'. —'At con̈ et' 'on̈, xchi eb' 'a 'a. Yuj cha, x'at eb'. 'Ix 'och eb' 'a yol jun barco. Palta a 'a jun 'ac'wl cha, toxn may junc no chay chi xyamchj yuj eb'.

Jn 21:3 ပူးပေါင်းရင်းမြစ်များ

Lc 5:5

—Ach co C'ayb'umal, jun ac'val ix cac'lej co yaman noc' q'uiq'ui, malaj val junoc noc' ix quic'a'. Palta yujn̈ej to a ach tzala', ol b'at caq'uem co chimpa tic junelxo, xchi vin̈aj Simón chi' d'ay.

Jn 21:4

Axo yic vanxo sacb'i, ayec' Jesús d'a sti' a' chi'. A eb' vin̈ sc'ayb'um chi' maj snalaj eb' vin̈ tato a'.

A Tas Sc'ulejnac Eb' Schecab' Jesús Hechos 18:3

Ata' ix can vin̈ yed' eb' yujto lajan smunlajel vin̈ yed' eb' schavan̈il. A juntzan̈ mantiado sb'o eb', yuj chi' junn̈ej ix munlaj vin̈ yed' eb' ta'.

A Tas Sc'ulejnac Eb' Schecab' Jesús Hechos 20:34

Ina eyojtac, munil ix in munlaj val yed' in c'ab' yuj tas ay ix och vuuj yed' yuj tas ay ix och yuj eb' ajun ved'oc.

1 Co 3:7

Yuj chi', a eb' tz'avani yed' eb' tz'ac'anoch yalil, malaj yelc'och eb'. An̈ej Dios ay yelc'ochi, yujto a tz'ac'an q'uib'oc.

1 Co 9:6

¿Tom max yal vactancan in munlajel yed' vin̈aj Bernabé tic tze na'a? ¿Tom an̈ej juntzan̈xo eb' schecab' chi' ay yalan yic e naani?

1 Ts 2:9

Tecan tze nacoti chajtil ec' cutejnac co munlaj d'a e cal. Cac'nac val quip co munlaji. Ayic quec'nac calel vach' ab'ix yic Dios d'ayex, c'ual d'ac'val munlajnac on̈ pax yuj co gasto. Icha chi' aj quec'nac ta', yujto malaj co gana ay mach tz'ab'an syail yac'an co gasto.