Jn 20:16 - Chuj San Mateo Bible

¹⁶ —María, xchi Jesús chi' d'a ix. Yuj chi' ix meltzajb'at q'uelan ix d'ay. Ix yalan ix d'a sti' hebreo: —Raboni, xchi ix. Syalelc'ochi, Ach in C'ayb'umal.

Chuj San Sebastian Bible

¹⁶ —María, xchi Jesús chi 'a 'ix. —Yuj cha, 'ix sutmj 'at q'ueln 'ix 'a 'a. 'Ix paxtin 'ix 'a hebreo: —Raboni, xchi 'ix. Tzyal 'el'chi, ach in Cuymal.

Jn 20:16 ပူးပေါင်းရင်းမြစ်များ

Gn 22:1

Ix lajvi yec' jun tiempoal, ix ac'ji proval vin̈aj Abraham yuj Dios, ix avtaj vin̈, ix tac'vi vin̈ icha tic: —Ina vajec' tic Mamin, xchi vin̈.

Gn 22:11

Axo yángel Jehová ix avajemta d'a satchaan̈ icha tic: —Abraham, Abraham, xchi. —¿Tas xchi Mamin? xchi vin̈.

Gn 45:12

Testigo yaj vin̈ vuc'tac aj Benjamín tic yed' ex pax tic, to a in val sval jun lolonel tic.

Ex 3:4

Ayic ix yilan Jehová to van snitzancot sb'a vin̈, ix avajelta d'a scal te' c'ac' chi': —Moisés, Moisés, xchi. —Oy, Mamin, xchi vin̈.

Ex 33:17

—A juntzan̈ lolonel tzal tic ol in c'ulej, yujto te ay in tzalajc'olal ed'oc, vojtac val a pensar sic'lab'il, xchi Jehová d'a vin̈.

Cantares 3:4

Quenanto val tzin b'at d'a eb' vin̈ chi', ix ilchaj vin̈ xajanab'il vuuj. Ix in och quetzquetz d'a sc'ab' vin̈, majxo vactejel-laj vin̈. Ix vic'anb'at vin̈ d'a spat ix in nun, d'a scuarto ix in nun chi' b'aj in alji, xchi ix.

Cantares 5:2

Vaynac in b'ati, palta pitzan in pixan, ix vab'ani to a vin̈ xajanab'il vuuj tz'avaj d'a puerta: Ach cob'es xajanab'il vuuj, jaquin ochi. Lajan ach icha noc' paramuch, malaj jab'oc a paltail. Te ch'ayan in jolom yuj yal ac'val. Tz'el val jililjoc yal ac'val chi' d'a xil in jolom, xchi vin̈ d'ayin.

Is 43:1

Axo ticnaic ex israel, yin̈tilal Jacob, ab'ec. A Jehová b'ojinac ex, a' tz'alan icha tic: Man̈ ex xivoc, in colnac ex, ix ex vavtej val d'a e b'i, yujto vic ex.

Mt 14:27

Palta ix yal Jesús d'a eb': —Tec'an tzeyutej e b'a. A in. Man̈ ex xivoc, xchi d'a eb'.

Mr 10:51

Ix sc'anb'an Jesús d'a vin̈: —¿Tas a gana tzach vutej? xchi d'a vin̈. —Mamin, in gana svilxi, xchi vin̈ d'ay.

Lc 10:41

Ix yalan Jesús d'a ix: —Marta, Marta, te ay ach och d'a ilc'olal yuj jantac tas tza c'ulej chi'.

Jn 1:38

Axo ix meltzajb'at q'uelan Jesús chi' d'a spatic. Ix yilani, tzac'anoch eb' vin̈ yuuj. —¿Tas tze saya'? xchi d'a eb' vin̈. —Ach co C'ayb'umal ¿b'ajtil ay a posado? xchi eb' vin̈ d'ay.

Jn 1:49

—Ach in C'ayb'umal, yel Yuninal ach Dios. Co Reyal ach a on̈ israel on̈ tic, xchi vin̈ d'ay.

Jn 10:3

Axo vin̈ svaymitan noc' calnel chi', a vin̈ sjacan te' macte' chi' d'a vin̈ stan̈vumal noc' chi'. Axo noc' calnel chi', c'aynac noc' yed' vin̈ stan̈vumal chi'. Yojtac sb'i junjun noc' vin̈. A vin̈ sjacanelta noc'.

Jn 11:28

Ix lajvi yalan jun chi' ix Marta chi', ix pax ix. Ix b'at ix yavtejcot ix María ix snulej chi'. Ix sajanoch ix d'a schiquin ix d'a elc'altac: —Ix ja co C'ayb'umal, tzach yavtej, xchi ix.

Jn 13:13

A ex tic, tzin eyal e c'ayb'umoc, eyajaloc. Yel ton tzeyala'.

Jn 20:28

Ix lajvi chi', ix yalan vin̈aj Tomás chi' d'ay: —Ach Vajalil, ach in Diosal, xchi vin̈.

Jn 3:2

Ix c'och vin̈ d'a Jesús d'ac'valil, ix yalan vin̈ d'ay icha tic: —Ach co C'ayb'umal, cojtac to a Dios checjinac ach cot on̈ a c'ayb'ej, yujto ay juntzan̈ satub'tac tza ch'oxo'. Malaj junoc mach syal sc'ulan juntzan̈ chi', tato man̈ ayoc och Dios yed'oc, xchi vin̈ d'ay.

Jn 5:2

A d'a yol chon̈ab' Jerusalén chi', d'a slac'anil jun puerta b'aj tz'och noc' calnel, ata' ay jun tanque scuch Betesda d'a sti' eb' israel chi'. Oye' val stentail.

Jn 6:25

Axo ix c'och eb' anima chi' d'a sc'axepalec' a' n̈ajab' chi', ata' ix ilchaj Jesús yuj eb'. Ix sc'anb'an eb' d'ay: —Ach co C'ayb'umal, ¿tom d'a tic ayach eq'ui? ¿Janic' ach javi? xchi eb' d'ay.

A Tas Sc'ulejnac Eb' Schecab' Jesús Hechos 10:3

Axo junel d'a tz'eymajc'ualxo, ix yilan vin̈ icha d'a vayich, ay jun yángel Dios ayoch d'a yol jun cuarto b'aj ayec' vin̈ chi'. Ix yalan jun ángel chi' d'a vin̈: —Cornelio, xchi.

A Tas Sc'ulejnac Eb' Schecab' Jesús Hechos 9:4

Yuj chi' ix telvi vin̈ d'a sat luum. Ix yab'an vin̈ yoch jun lolonel. Ix yalan icha tic: —Saulo, Saulo, ¿tas yuj tzin ixtej? xchi d'a vin̈.

A Ch'an̈ B'ab'el Libro Samuel 3:10

Ix c'och Jehová d'a slac'anil vin̈, ix avaj d'a vin̈ icha ix aj yavtan vin̈ d'a juntac el chi', ix yalani: —Samuel, Samuel, xchi. —Lolonan̈ Mamin, tic svab' a in a checab' in tic, xchi vin̈aj Samuel chi'.

A Ch'an̈ B'ab'el Libro Samuel 3:6

Ix avajxi Jehová d'a vin̈: —Samuel, xchi. Ix q'uex van vin̈, ix b'atxi vin̈ b'aj ayec' vin̈aj Elí chi', ix yalanxi vin̈: —Ina in tic, ¿tas yuj tzin avtej? xchi vin̈. —Ach vuninal, malaj ach tzach vavtej. B'at vayan̈xi, xchi vin̈aj Elí chi'.