Jn 2:4 - Chuj San Mateo Bible

⁴ Palta ix yalan Jesús d'a ix: —Nunin, ¿tas yuj a d'ayin tzala'? Manto c'ochlaj yorail in ch'oxanel in poder, xchi.

Chuj San Sebastian Bible

⁴ —Nunin, ¿tas yuj a 'ayn tzala? Mantzac c'och stiempoal in ch'oxn 'el in poder 'a eb' 'anma', xchi Jesús.

Jn 2:4 ပူးပေါင်းရင်းမြစ်များ

A Ch'an̈ Schab'l Libro Samuel 16:10

Ix yalan vin̈ rey chi': —Malaj eyalan eyic d'a jun vin̈ tic a ex yune' ex ix Sarvia tic. Tato tzin sb'aj vin̈, a am Jehová tz'ac'an yal vin̈. Tato icha chi', malaj mach syal scachanoch vaan vin̈, xchi vin̈ rey chi'.

A Ch'an̈ Schab'l Libro Samuel 19:22

Ix tac'vi vin̈ rey chi' icha tic: —¿Tas val eyoch a ex yune' ex ix Sarvia tic d'a jun lolonel tic? Man̈xo eyac' somchaj in c'ool. A ticnaic vojtacxo to ol in ochxoc sreyaloc eb' vetisraelal, yuj chi' malaj junoc mach syal scham d'a yol co chon̈ab' tic ticnaic, xchi vin̈.

A Ch'an̈ B'ab'el Libro Yic Yab'ixal Eb' Rey 17:18

Ix yalan ix d'a vin̈aj Elías chi' icha tic: —Ach schecab' Dios, ¿tas alan ic d'ayin? ¿Tom yuj snachajcot in mul yed' scham tzun vune' tic, yuj chi' ach javi? xchi ix.

Ec 3:1

Masanil tas tzuji d'a yolyib'an̈q'uinal tic ayn̈ej stiempoal, ayn̈ej pax yorail.

Mt 15:28

Yuj chi' ix yalanxi d'a ix: —A ach tic, svila' tzac' val och Dios d'a a c'ool. Yuj chi', b'oocab' icha tas tza nib'ej chi', xchi d'a ix. A d'a jun rato chi', ix b'oxican sc'ool ix yune' ix chi'.

Mt 8:29

Ix q'ue yav eb' vin̈ d'a Jesús: —Ach Yuninal Dios, ¿tas och d'ayon̈? ¿Tom tzach ja ac'och yaelal d'a quib'an̈ yacb'an manto c'och stiempoal? xchi eb' d'ay.

Lc 2:49

Ix tac'vi Jesús d'a ix icha tic: —¿Tas yuj tzin e sayeq'ui? ¿Tom man̈ eyojtacoc to yovalil a smunlajel in Mam tzul in b'o'o? xchi.

Jn 12:23

Ix yalan d'a eb' vin̈: —A in Ac'b'il in cot yuj Dios voch animail tic, a ticnaic van sc'och yorail scheclajeli to te nivan velc'ochi.

Jn 13:1

Q'uic'anocxo tz'och sq'uin̈ eb' israel yic snajicoti tas aj yelnaccot eb' smam yicham eb' d'a Egipto, yojtacxo pax Jesús to toxo sja stiempoal yactancan jun yolyib'an̈q'uinal tic, axo sq'uex chi' d'a co Mam Dios. A eb' yicxo ay d'a yolyib'an̈q'uinal tic, ix xajanejn̈ej eb'. Ix xajanejn̈ej pax eb' masanto d'a slajvub'.

Jn 2:3

Axo vino, maj yab'laj, yuj chi' ix yal ix snun Jesús chi' d'ay: —Ix lajvi vino, xchi ix.

Jn 20:13

Ix sc'anb'anelta eb' d'a ix: —Ach ix, ¿tas yuj tzach oq'ui? xchielta eb'. —Tzin oq'ui yujto ix ic'jib'at snivanil vin̈ Vajal d'a tic. ¿B'aj am ix yac' eb'? xchi ix d'a eb'.

Jn 20:15

Yuj chi' ix sc'anb'an d'a ix: —Ach ix, ¿tas yuj tzach oq'ui? ¿Mach tza sayeq'ui? xchi d'a ix. Palta a snaan ix to a vin̈ yilumal te' avb'en te' chi' lin̈anec' ta'. Yuj chi' ix yalan ix: —Ach vetanimail, tato a ach ix ul iq'uel snivanil Jesús chi', al val d'ayin b'ajtil ix b'at ac'cani yic ol vic'b'ati, xchi ix d'ay.

Jn 7:30

Yuj chi' ay eb' ix alani to tz'ac'jioch d'a preso. Palta malaj mach ix yamani, yujto manto c'och stiempoal schami.

Jn 7:6

Yuj chi' ix yal d'a eb': —Manto stiempoaloc in ch'oxanel in b'a. A exxo tic, yaln̈ej tas tiempoal syal e naani.

Jn 7:8

Ixiquec e ch'ocoj d'a jun q'uin̈ chi'. Yujto a in tic, manto ol in q'uec'ochlaj, yujto manto stiempoaloc in ch'oxanel in b'a, xchi Jesús d'a eb'.

Jn 8:20

A d'a yol yamaq'uil templo d'a slac'anil jun chalab' ofrenda, ata' ix yal juntzan̈ chi' Jesús. Ata' ix c'ayb'aj eb' anima yuuj. Malaj junoc mach ix yamani, yujto manto c'och stiempoal schami.

2 Co 5:16

Yuj chi' a on̈ tic, maxtzac yal calub'tan̈an junoc mach yuj tas scheclaj d'ay. Vach'chom a d'a yalan̈, ix calub'tan̈ej Cristo yuj tas chequel d'ay, palta a ticnaic, man̈xo ichoc ta' tz'aj co naan d'a spatic.

Dt 33:9

Yelxo val ix ach snib'ej eb' yin̈tilal Leví chi' d'a yichan̈ smam snun, d'a yichan̈ yuc'tac, ma yuninal. A eb' chi' ix sc'anab'ajej a checnab'il eb', maj yixtejb'at a trato eb' alb'ilcani.