Jn 19:41 - Chuj San Mateo Bible

⁴¹ Axo d'a slac'anil b'aj ix culusajq'ue Jesús chi' ay jun avb'en te'. Ata' ay jun q'uen q'ueen joyb'ilel yool. A jun q'ueen chi', manta junoc chamnac tz'ac'jioch d'a yol q'ueen.

Chuj San Sebastian Bible

⁴¹ A 'a sla'nil 'aj 'ix t'un̈x q'ue Jesús, ata 'ay jun tzo'n̈ 'awb'ente'. A 'a scal cha, ata 'ay jun q'uen olb'il yojol. A jun q'uen cha, mant 'a xon junc chamnc chi tz'ajx 'och 'a yojol.

Jn 19:41 ပူးပေါင်းရင်းမြစ်များ

Is 22:16

¿Tas tza c'ulej d'a tic? ¿Mach ix ac'an opisio a b'oan jun yed'tal chamnac d'a jun tzalan tic, tzolanpaxoch a b'a d'a sat q'uen q'ueen b'aj ol ach cann̈ej tic a naani?

Mt 27:60

Ay jun q'ueen joyb'ilxoel yool, yictaxon vin̈aj José chi', mantalaj junoc chamnac tz'ac'jioch d'a yool. Ata' ix yac'canoch snivanil Jesús chi' vin̈. Ix sb'alanoch jun nivan q'ueen vin̈ smaculoc sti', ix pax vin̈.

Lc 23:53

Ix lajvi yic'an spermiso vin̈ chi', ix b'at yac'an ic'joquemta snivanil chi' vin̈. Ix sb'ac'anoch jun sábana vin̈ d'a spatic. Ix lajvi chi' ix b'at yac'an ac'joc och snivanil vin̈ d'a yol jun q'uen q'ueen joyb'ilel yool. A d'a jun q'ueen chi', manta junoc mach smucchaji.

Jn 19:42

Axo jun sc'ual ic'oj ip, toxo syamchajochi. Yuj chi' a d'a yol jun q'ueen chi' ix ac'jioch snivanil Jesús chi', yujto lac'an ay q'ueen b'aj ix cham chi'.

Jn 20:15

Yuj chi' ix sc'anb'an d'a ix: —Ach ix, ¿tas yuj tzach oq'ui? ¿Mach tza sayeq'ui? xchi d'a ix. Palta a snaan ix to a vin̈ yilumal te' avb'en te' chi' lin̈anec' ta'. Yuj chi' ix yalan ix: —Ach vetanimail, tato a ach ix ul iq'uel snivanil Jesús chi', al val d'ayin b'ajtil ix b'at ac'cani yic ol vic'b'ati, xchi ix d'ay.