Jn 12:9 - Chuj San Mateo Bible

⁹ Tzijtum eb' israel ix ab'ani to ayec' Jesús d'a Betania. Yuj chi' ix b'at eb' yila'. Man̈ocn̈ej Jesús snib'ej eb' syila'. Snib'ej pax eb' syil vin̈aj Lázaro, yujto ix pitzvixi vin̈ d'a scal eb' chamnac yuj Jesús.

Chuj San Sebastian Bible

⁹ Til wal eb' israel 'ix 'ab'ni to 'ayc' Jesús 'a Betania. Yuj cha, x'at yilnc eb'. Man̈ cojnoc Jesús chi tznib'j eb' yila'. Tznib'j pax eb' yil Lázaro, yujto 'ix 'ajx pitzwc pax 'a scal eb' chamnc yu'uj.

Jn 12:9 ပူးပေါင်းရင်းမြစ်များ

Mr 12:37

Icha chi' yutejnac vin̈ yalancani to a Cristo Yajal yaj d'a vin̈. Yuj chi', ¿tom yin̈tilaln̈ej vin̈aj David chi' yaji? xchi Jesús d'a eb'. Man̈ jantacoc eb' anima ix ab'an jun tic. Ix te tzalaj eb' yab'ani.

Jn 12:1

Ob'ixxon̈ej yoch q'uin̈ d'a Jerusalén yic snaancot eb' israel tas aj yelnaccot eb' smam yicham eb' d'a Egipto, ix c'ochxi Jesús d'a Betania, b'aj cajan vin̈aj Lázaro, aton vin̈ ix pitzvixi yuuj.

Jn 12:10

Yuj vin̈aj Lázaro chi', tzijtum eb' ix ac'anoch Jesús d'a sc'ool. Maxtzac yac'och spensar eb' d'a eb' vin̈ sacerdote. Yuj chi' ix slajtiej sb'a eb' vin̈ sat sacerdote chi' tas syutej eb' vin̈ smilanpaxcham vin̈aj Lázaro chi'.

Jn 12:12

Tzijtum anima ix c'och d'a Jerusalén yuj sq'uin̈ eb' israel yic snajicoti tas aj yelnaccot eb' smam yicham eb' d'a Egipto. Axo d'a junxo c'u ix yab'an eb' to van sc'och Jesús ta'.

Jn 12:17

A juntzan̈ eb' ayec' yed' Jesús ayic ix yavtanelta vin̈aj Lázaro b'aj mucb'il yic ix pitzvixi vin̈, ix laj yalel eb' tas ix yil eb' chi'.

A Tas Sc'ulejnac Eb' Schecab' Jesús Hechos 4:14

Ix yilanpax eb' vin̈ to lin̈anoch vin̈ ix b'oxi yoc chi' d'a stz'ey eb' vin̈. Yuj chi' maj yal yac'anoch junoc tas eb' vin̈ d'a yib'an̈ eb' vin̈.