Jn 12:3 - Chuj San Mateo Bible

³ Axo ix María, yed'nac nan̈al litro yal suc'uq'ui sjab' ix, scuch nardo. A jun chi' te caro stojol. Axo ix c'och ix, ix stob'anoch ix d'a yoc Jesús. Ix lajvi chi' ix sucan tacjoc ix d'a xil sjolom. Ix el numan sjab' d'a yol pat chi'.

Chuj San Sebastian Bible

³ Ax 'ix María yet' 'ix mel-l litro yal su'q'ui sjab', nardo sb'i. A jun cha, caw chan̈ stojol. 'Ix c'och 'ix 'a Jesús. 'Ix stob'n 'och 'ix 'a yoc. Xlajwn̈ej cha, 'ix sucn tacj 'ix yet' xil sjolom. Caw c'uxn 'ix pucb't sjab' 'a yol jun n̈a cha.

Jn 12:3 ပူးပေါင်းရင်းမြစ်များ

Pr 27:16

Tato sco nib'ej tz'och vaan eb' ix d'a yoval sc'ool chi', lajan icha to sco nib'ej sco yamoch vaan ic', icha pax to sco nib'ej sco yam aceite d'a yol co c'ab'.

Cantares 1:12

Yacb'an c'ojanem vin̈ rey d'a smexa, axo an̈ nardo sumumi yel sjab' d'ayin.

Cantares 1:3

Te vach' yel a jab' yuj yal suc'uq'ui sjab' ayoch d'ayach. Ayic svab'an a b'inaji, lajan val icha suc'uq'ui sjab' chi'. Yuj chi' te xajan ach yuj eb' ix ix.

Cantares 4:10

Ach ix ol ach och vetb'eyumoc, man̈ jantacoc svach'il in a xajanani, yelxo te vach' d'a yichan̈ vino. Yelxo te vach' a perfume tza c'an d'a yichan̈ masanil tas sumumi sjab'.

Lc 10:42

Palta junn̈ej val tas te yovalil sc'ulaji, aton jun chi' sgana ix María tic, yuj chi' malaj junoc mach ol yal yic'anec' d'a ix, xchi d'a ix.

Lc 7:46

Maj ac'q'ue aceite d'a in jolom, axo ix, ix tob'anec' jun yal suc'uq'ui sjab' d'a voc tic.

Jn 11:2

A ix María chi' sucjinaquec' jun yal suc'uq'ui sjab' d'a yoc Jesús Cajal, axo yed' xil sjolom ix sucnac tacjoc. Ix penaayax vin̈aj Lázaro chi'.

Jn 11:28

Ix lajvi yalan jun chi' ix Marta chi', ix pax ix. Ix b'at ix yavtejcot ix María ix snulej chi'. Ix sajanoch ix d'a schiquin ix d'a elc'altac: —Ix ja co C'ayb'umal, tzach yavtej, xchi ix.

Jn 11:32

Ayic ix c'och ix b'aj aycan Jesús chi', ix em cumnaj ix d'a yichan̈, ix yalan ix d'ay: —Mamin, ayocach ec'laj d'a tic a ix cham vin̈ in nulej chi', tecan maj chamlaj vin̈, xchi ix.

Jn 19:39

Ajun pax vin̈aj Nicodemo vin̈ xid'naquec' sc'umej Jesús d'ac'valil yed'nac vin̈. Ay am oxeoc arroba juntzan̈ suc'uq'ui sjab' scuchan mirra calan yaj yed' junxo scuchan áloes yed'nac vin̈aj Nicodemo chi'.