Jn 11:9 - Chuj San Mateo Bible

⁹ Ix yalanxi d'a eb': —Cojtac to lajchave' hora tz'ec' d'a junjun c'u. Tato tzon̈ b'eyec' d'a c'ualil, man̈ comonoc tzon̈ telvi, yujto sacq'uinal.

Chuj San Sebastian Bible

⁹ Yuj cha, xyaln pax 'ixtc 'a eb': —Cojquec, to 'ay lajchwe hora tz'ec' 'a junjn c'u. Toto tzon̈ b'eyc' 'a c'ual, matz on̈ comn telwi, yujto sacq'uinal.

Jn 11:9 ပူးပေါင်းရင်းမြစ်များ

Pr 3:23

Te junc'olaln̈ej ol ach ec'oc, malaj b'aq'uin̈ ay tas ol ach ic'anoc.

Jeremías 31:9

Axon̈ej lesal yed' oq'uel ol yac' eb' ayic ol meltzajxoc eb'. A inxo ol vic'b'at eb' d'a a a' tz'el yoc yed' d'a yol jun b'e te ac'lic, man̈xa b'aj ol telvoc eb'. Yujto mamab'il vaj d'a chon̈ab' Israel tic. Axo chon̈ab' Efraín, ichato in b'ab'el unin yaji, xchi Jehová.

Jn 11:10

Palta a eb' sb'eyec' d'ac'valil, scomon telvi eb', yujto malaj saquilq'uinal d'a eb', xchi Jesús.

Jn 12:35

Yuj chi' ix yal d'a eb': —A in svac' saquilq'uinal d'ayex, ayinec' d'a e cal ticnaic, palta quenxon̈ej tiempo ayin eq'ui. Tojolb'itejec e b'a yacb'an ayin to ec' jab'ocxo eyed'oc. Tato maay, ol somchajel e pensar. Icha junoc mach sb'eyec' d'a q'uic'alq'uinal, max uji yilan b'aj sb'ati, icha chi' ol ex ajoc.

Jn 9:4

Yovalil tzin b'o smunlajel Dios, aton checjinac in coti, yacb'an ayto c'u, yujto ayic toxo ix b'at c'u, man̈xalaj mach syal smunlaji.

1 Jn 2:10

Tato sco xajanej eb' quetcreyenteal, ayon̈xo och d'a saquilq'uinal syal chi'. Yuj chi' malaj junoc tas ayoch d'ayon̈ tz'ic'an co juvieli.