Jn 11:5 - Chuj San Mateo Bible

⁵ Te xajan vin̈aj Lázaro chi', ix María yed' ix Marta yuj Jesús chi'.

Chuj San Sebastian Bible

⁵ A Jesús, caw 'ay schamc'ojlal 'a Lázaro cha. 'Ay schamc'ojlal pax 'a María yet' 'a Marta cha.

Jn 11:5 ပူးပေါင်းရင်းမြစ်များ

Lc 10:38

Axo ix b'at Jesús d'a yol b'e, ix c'och d'a jun aldea. Ata' ay jun ix scuch Marta. Ix schaanoch Jesús chi' ix d'a yol spat.

Lc 10:40

Axo ix Marta chi', man̈ jantacoc tas sc'ulej ix, ix c'och ix d'a Jesús chi', ix yalan ix: —Mamin, ¿tom max il jab'oc, to a ix in nulej tic, in yactejcan ix d'a yol sc'ab' in munlajel tic in ch'ocoj? Al d'a ix to scolvaj ix ved'oc, xchi ix.

Lc 10:41

Ix yalan Jesús d'a ix: —Marta, Marta, te ay ach och d'a ilc'olal yuj jantac tas tza c'ulej chi'.

Jn 11:1

Ay jun vin̈ d'a chon̈ab' Betania scuchan Lázaro, te penaay vin̈. Ata' pax cajan chavan̈ eb' ix yanab' vin̈, jun ix scuch María, axo junxo ix, Marta sb'i ix.

Jn 11:3

Yuj chi', ix yac'cot sti' eb' ix d'a Jesús, ix yalancot eb' ix icha tic: —Mamin, a vin̈ te xajan uuj, penaay vin̈, xchicot eb' ix.

Jn 11:36

Axo eb' aj Judea ayec' chi' ta', ix laj yalan eb': —Te xajan vin̈ yuuj, xchi eb'.

Jn 11:6

Ayic ix yab'an Jesús chi' to te penaay vin̈, maj b'atlaj d'a elan̈chamel. Chab'to c'ual ix can b'aj ayec' chi'.

Jn 11:8

Ix yalan eb' d'ay: —Ach co C'ayb'umal, ina ijan sjulnac ach cham eb' aj Judea chi' jun, ¿tom tzach b'atxi? xchi eb'.

Jn 16:27

Xajan ex yuj in Mam chi', yujto xajan in eyuuj, ix eyac'och d'a e c'ool to a d'ay cotnac in.

Jn 17:26

A in ix vac' yojtaquejel eb' tas aji. An̈ejtona' ol in vach' aq'uej yojtaquejxiel eb', yic vach' icha tzutej in a xajanani, icha pax chi' tzutej a xajanan eb'. A inxo ol in och cajan d'a eb' d'a juneln̈ej, xchi Jesús d'a co Mam Dios.