Jn 1:30 - Chuj San Mateo Bible

³⁰ Aton jun tic valnac: Ay jun tzac'an sja vuuj, palta ec'al yopisio d'ayin, yujto ayic manto in alji, aytaxon eq'ui, xin chi.

Chuj San Sebastian Bible

³⁰ Atn jun tic xwal yuj 'ixtic: 'Ay jun tza'n sjaw wu'uj, palta 'ec'b'al yopiso 'a wib'an̈, yujto yic mantzac in 'alji, toxn 'ayq'ui, xin chi.

Jn 1:30 ပူးပေါင်းရင်းမြစ်များ

Mt 3:11

A in tic, d'a val yel tzex vac' bautizar d'a a a', yic chequel to ix e na e b'a. Palta ay val junxo tzac'an sjavi vuuj. A ol ac'an Yespíritu Dios d'ayex, mato a c'ac' ol yac' d'ayex. Icha to ol ex ac'joc bautizar yuuj. A jun ol javoc chi', yelxo val nivan yelc'och d'a vichan̈. Man̈ in mojoc vac'an servil, vach'chom ton̈ej sviq'uel xan̈ab'.

Lc 3:16

Palta ix yalan vin̈ d'a eb' smasanil: —Val yel, a in tic tzex vac' bautizar d'a a a', palta ay junxo toto ol javoc. A' ol ac'anoch Yespíritu Dios d'ayex, icha c'ac' ol em d'a eyib'an̈. Ichato ol ex ac'joc bautizar yuuj. A jun chi' ec'to yopisio d'a vichan̈. Man̈ in mojoc svac' servil, vach'chom ton̈ej tzin tij sch'an̈al xan̈ab'.

Jn 1:15

A vin̈aj Juan aljinaccan yab'ixal jun chi' icha tic: —Ay jun tzac'an sja vuuj, palta ec'alto val yelc'och yopisio d'a vichan̈, yujto ayic manto in alji, aytaxon eq'ui. Valnacxo yab'ixal d'ayex, xchi vin̈.

Jn 1:27

A jun chi', tzac'an sja vuuj, ec'al yopisio d'a vichan̈. Man̈ in mojoc vac'an servil, vach'chom ton̈ej tzin tijel sch'an̈al xan̈ab' d'a yoc, xchi vin̈aj Juan chi' d'a eb'.

Jn 1:31

Max nachajel vuuj mach jun chi', palta in ja vac' bautizar eb' anima d'a a a', yic vach' ol nachajel yuj eb' quetisraelal mach jun chi', xchi vin̈aj Juan chi'.

Jn 10:41

Tzijtum anima ix c'och ta'. Ix laj yalan eb': —A vin̈aj Juan, malaj b'aj ix sch'ox junoc tas satub'tac vin̈, palta jantacn̈ej tas ix yal vin̈ yuj Jesús tic, te yel, xchi eb'.