Jeremías 52:26 - Chuj San Mateo Bible

^26-27 A vin̈aj Nabuzaradán ix ic'anb'at masanil juntzan̈ eb' tic d'a yichan̈ vin̈ sreyal Babilonia ayec' d'a Ribla d'a yol smacb'en chon̈ab' Hamat. Ata' ix schec vin̈ sreyal Babilonia miljoccham eb'. Icha chi' ix aj yic'jiel eb' aj Judá chi' d'a sluum.

Chuj San Sebastian Bible

^26-27 Xlajw cha, xyi'n 'at Nabuzaradán smasnil jun tzo'n̈ eb' tic 'a yojltac win sreyl Babilonia, yic 'ayc' win 'a chon̈b' Ribla 'a yol yic chon̈b' Hamat. Axta xyac' win sreyl Babilonia chi milxoc cham eb'. 'Ixta 'ajnc eb' 'aj Judá yijx 'el 'a yol snacion̈.

Jeremías 52:26 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 23:33

Ix ac'jioch vin̈ d'a preso yuj vin̈aj rey Necao d'a Ribla d'a yol yic Hamat, yic vach' maxtzac yac' yajalil vin̈ d'a Jerusalén. Ix yac'anoch q'uen tumin vin̈aj Necao chi' d'a yib'an̈ eb' aj Judá chi', 75 quintal q'uen plata yed' oxe' arroba q'uen oro.

A Ch'an̈ Schab'il Libro Yic Yab'ixal Eb' Rey 25:20

Masanil juntzan̈ eb' anima chi' ix yic'b'at vin̈aj Nabuzaradán chi' d'a Ribla d'a yol yic Hamat. Ata' ix yal vin̈ rey to scham eb'. Icha chi' ix aj yic'jiel eb' aj Judá chi' d'a schon̈ab' yed' d'a sluum, ix ic'jib'at eb' d'a Babilonia.

A Ch'an̈ Schab'il Libro Yic Yab'ixal Eb' Rey 25:8

Ayic uque' c'ualxo yoch yoil uj d'a 19 ab'il yoch vin̈aj Nabucodonosor reyal d'a Babilonia, ix javi vin̈aj Nabuzaradán yajalil eb' vin̈ soldado stan̈vumal vin̈ rey chi' yed' eb' vin̈ soldado d'a Jerusalén.

Jeremías 39:5

Palta ix och eb' soldado yic Babilonia chi' d'a spatic eb', ix yamchaj vin̈aj Sedequías chi' yuj eb' d'a span̈anil Jericó. Ix yic'anb'at vin̈ eb' d'a vin̈aj rey Nabucodonosor d'a chon̈ab' Ribla d'a yol smacb'en Hamat. Ata' ix yal vin̈ tas ol utaj vin̈aj Sedequías chi'. Ix schecan vin̈ miljoccham eb' yuninal vin̈aj Sedequías chi' d'a yichan̈ yed' masanil eb' nivac vinac yaj d'a Judá.

Jeremías 39:9

Axo vin̈aj Nabuzaradán yajal d'a eb' stan̈vumal vin̈ sreyal Babilonia chi', ix yic'b'at masanil eb' aj Judá vin̈ d'a Babilonia chi', aton eb' ixto can d'a yol chon̈ab' chi' yed' eb' ix yac'och sb'a yed' eb' aj Babilonia chi' yed' masanil eb' anima.

Nm 34:11

Tz'elxi d'a Sefam chi', masanto sc'och d'a Ribla d'a stojolal b'aj sjavi c'u d'a Aín. Slajvi chi' tz'emn̈ej jun mojon chi' d'a stojolal b'aj sjavi c'u d'a a' n̈ajab' Cineret,