Jeremías 41:8 - Chuj San Mateo Bible

⁸ Palta ay lajun̈van̈ eb' vin̈ d'a scal eb' vin̈ van smiljicham chi' ix alan d'a vin̈aj Ismael chi': —Man̈ on̈ a milchamoc, a on̈ tic ay ixim co trigo, ixim cebada, co aceite, ay pax noc' co yal chab'. A juntzan̈ chi' c'ub'anel cuj d'a spatictaquel co chon̈ab', xchi eb' vin̈. Yuj chi' majxo miljoccham eb' vin̈ yuj vin̈aj Ismael yed' eb' ajun yed' vin̈.

Chuj San Sebastian Bible

⁸ Palta 'ay lajn̈wan̈ eb' 'a scal eb' wan smilx cham chi 'ix aln 'ixtc 'a Ismael: —Man̈ on̈ a mil cham on̈. An̈ tic on̈ 'ay qui trigo, qui cebada, qui aceite. 'Ay pax no yalchab' 'ayn̈ on̈. A jun tzo'n̈ cha, c'ub'b'il 'el cuj 'a spatquil 'el qui chon̈b' on̈, xchi eb'. Yuj cha, ma'ix milx cham eb' yuj Ismael yet' pax yuj eb' ajun yet' cha.

Jeremías 41:8 ပူးပေါင်းရင်းမြစ်များ

Job 2:4

Ix tac'vi vin̈ Satanás chi' icha tic: —Tato malaj tz'ic'an snivanil junoc mach, ¿toc ay tas sna'a? B'ecan sc'ol slajviel masanil tastac ay d'ay yic scolan sq'uinal.

Pr 13:8

A eb' b'eyum, smanxielta sb'a eb' d'a yol sc'ab' eb' elc'um yed' stumin. Axo pax eb' meb'a' jun, malaj b'aq'uin̈ tz'elc'ajb'at eb'.

Is 45:3

A juntzan̈ b'eyumal c'ub'aneli yed' tas elc'altac yaji, ol vac' d'ayach, yic vach' tzojtaquejeli to a in ton Jehová in, sDiosal in Israel, ix ach vavtej d'a a b'i.

Jeremías 41:9

(A jun jul b'aj ix ac'jiem snivanil eb' vin̈ ix smilcham vin̈aj Ismael chi', aton jun schecnac vin̈aj rey Asa joychajoc, yic scolannac sb'a vin̈ d'a vin̈aj Baasa sreyal Israel. A jun jul chi' te levan, palta ix b'ud'ji yuj snivanil eb' anima ix smilcham vin̈aj Ismael chi'.)

Mt 16:26

Q'uinaloc tato squiquej masanil tas ay d'a yolyib'an̈q'uinal tic, palta tato tzon̈ satcanel d'a juneln̈ej, ¿tas co ganar? ¿Tasto val ol cac' stojoloc yic tzon̈ colchajeli?

Mt 6:25

Sval d'ayex, man̈ ex och ilc'olal yuj tas ol ic'an yec' tiempo eyuuj, yuj tas tze va'a yed' pax tas tz'aj e pichchaji. A Dios tz'ac'an co q'uinal, ocxom tas sco va'a, ¿tom man̈ ol yac'a'? A ix ac'an co nivanil, ¿tom man̈ ol yac' pax co pichul?