Jeremías 26:11 - Chuj San Mateo Bible

¹¹ Ix yalan eb' sacerdote yed' eb' syaloch sb'a schecab'oc Dios chi' d'a eb' yajal yed' d'a eb' anima chi' icha tic: A jun vin̈ tic smoj scham vin̈, yujto ix yal vin̈ to ay yaelal ol ja d'a yib'an̈ co chon̈ab' tic. A ex tic tzeyab'n̈ej tas syal vin̈ chi', xchi eb'.

Chuj San Sebastian Bible

¹¹ Xlajw cha, ax eb' ya'mal 'och sti eb' 'anma 'a Dios, yet' eb' tzyalch sb'a schecb'oc Dios, 'ix yaln eb' 'ixtc 'a eb' yajl cha, yet' 'a eb' chon̈b' chi smasnil: A wal jun winc tic, yowlal 'oj chamoc, yujto 'ix yala, to 'ay tas tu 'oj jawc 'a yib'n̈ qui chon̈b'ec tic. Ax tic caw 'ix eyab' tas 'ix yala, xchi eb'.

Jeremías 26:11 ပူးပေါင်းရင်းမြစ်များ

Jeremías 18:23

Palta a ach tic Mamin Jehová, ojtac masanil tastac smol alej eb' d'a vib'an̈ yic tzin smilancham eb' yalani. Man̈ ac' nivanc'olal eb', mocab' b'at smul eb' chi' satc'olal uuj. Satocab'el eb' d'a ichan̈, ac'och syaelal eb' yuj yoval a c'ool.

Jeremías 26:16

Yuj chi' ix yalan eb' yajal yed' eb' anima chi' d'a eb' sacerdote yed' d'a eb' syaloch sb'a schecab'oc Dios chi': Man̈ smojoc scham jun vin̈ tic, yujto a d'a sb'i Jehová co Diosal ix lolon vin̈ d'ayon̈, xchi eb'.

Jeremías 38:4

Yuj chi' ix yal eb' vin̈ yajal chi' d'a vin̈ rey chi' icha tic: —Chec miljoccham jun vinac tic, yujto schab'axq'ue sc'ol eb' soldado aytoec' d'a yol chon̈ab' tic yuj tas syal vin̈, syac'an somchaj spensar eb' anima vin̈. A jun vinac tic, man̈oc svach'il eb' quetchon̈ab' tic say vin̈, palta a co yaelal say vin̈, xchi eb' vin̈.

Mt 26:66

¿Tas xe chi yuj vin̈ ticnaic? xchi vin̈. —Ix och smul vin̈. Smoj scham vin̈, xchi eb' vin̈.

Jn 18:30

—Tato man̈ chucoc vin̈, ¿tom ol ul cac' vin̈ d'a yol a c'ab'? xchi eb' vin̈.

Jn 19:7

Ix yalanpax eb' aj Judea chi' d'a vin̈: —Palta ay jun ley aycan d'ayon̈. Yuj jun ley chi' yovalil ol miljoccham jun vin̈ tic, yujto ix yaloch sb'a vin̈ Yuninaloc Dios, xchi eb'.

A Tas Sc'ulejnac Eb' Schecab' Jesús Hechos 22:22

Ix smaclej yab' eb' anima chi' tas van yalan vin̈aj Pablo chi', masanto d'a juntzan̈ ix yal vin̈ chi', ix och ijan eb' ste avajq'uei, ix yalan eb': —Chamocab' vin̈. Man̈xo smojoc pitzan vin̈, xchi eb'.

Dt 18:20

Axo pax mach syaloch sb'a in checab'oc, palta malaj tas sval d'ay, ma jun, schecab' junocxo comon dios, a jun chi' yovalil schami, xchican Jehová chi'.

Jueces 6:30

—Iq'uelta vin̈ uninal chi', ol co milcham vin̈. ¿Tas yuj ix smac'vecchaj altar yic Baal vin̈, ix sch'acanpaxel te' yechel Asera vin̈ d'a stz'ey chi'? xchi eb' anima chi'.