Jeremías 26:1 - Chuj San Mateo Bible

¹ Ayic ix och vin̈aj Joacim yuninal vin̈aj Josías reyal d'a Judá, ata' ix lolon Jehová d'ayin Jeremías in tic.

Chuj San Sebastian Bible

¹ A yic x'el yich ya'n Joacim win yunnal Josías reyl 'a Judá, ata xpaxtin pax Jehová 'ayn an Jeremías in tic.

Jeremías 26:1 ပူးပေါင်းရင်းမြစ်များ

1 Cr 3:15

Axo eb' vin̈ yuninal vin̈aj Josías chi', vin̈ b'ab'el, a vin̈aj Johanán, vin̈ schab'il, a vin̈aj Joacim, vin̈ yoxil, a vin̈aj Sedequías, vin̈ schan̈il a vin̈aj Salum.

Jeremías 1:3

Ix lolonn̈ej d'ayin ayic ayoch vin̈aj Joacim yuninal vin̈aj Josías chi' reyal d'a Judá. Ix lolonn̈ej pax d'ayin masanto ayic yoil ujal yoch yuxluchil ab'il yoch vin̈aj Sedequías reyal, yuninal pax vin̈aj Josías chi'. Ata' ix ic'jib'at eb' cajan d'a Jerusalén icha preso d'a Babilonia.

Jeremías 25:1

Ayic schan̈il ab'il yoch vin̈aj Joacim yuninal vin̈aj Josías reyal d'a Judá, aton yic b'ab'el ab'il yoch vin̈aj Nabucodonosor reyal d'a Babilonia, ix lolon Jehová d'ayin a in Jeremías in tic yuj tas ol aj chon̈ab' Judá.

Jeremías 27:1

Ayic toto ochnac vin̈aj Sedequías yuninal vin̈aj Josías reyal d'a Judá, ix lolon Jehová d'ayin Jeremías in tic.

Jeremías 35:1

Ayic ayoch vin̈aj Joacim yuninal vin̈aj Josías reyal d'a Judá, ata' ix lolon Jehová d'ayin, ix yalan icha tic:

Jeremías 36:1

Ayic schan̈il ab'il yoch vin̈aj Joacim, yuninal vin̈aj Josías reyal d'a Judá, ix lolon Jehová d'ayin ix yalan icha tic: