Is 6:8 - Chuj San Mateo Bible

⁸ Ix lajvi chi' ix yalan Jehová chi' icha tic: ¿Mach junoc ol in checb'ati? ¿Mach val junoc ol och co checab'oc? xchi. Yuj chi' ix in tac'vi d'ay: Ina in tic Mamin, chequinb'ati, xin chi.

Chuj San Sebastian Bible

⁸ Xlajw cha, xwab'n yaln Cajlil 'ixtic: ¿Mach wal junc 'oj in chec ticnec? ¿mach wal junc tz'och qui checb'oc? xchi. Yuj cha, in ta'w 'a 'a: Waj Mamin, tztac' in a checni, xin chi.

Is 6:8 ပူးပေါင်းရင်းမြစ်များ

Gn 1:26

Ix lajvi chi' ix yalan Dios icha tic: A ticnaic co b'oec anima icha on̈ tic yic vach' tz'och eb' yajalil d'a yib'an̈ noc' chay ay d'a yol a' mar, d'a yib'an̈ masanil noc' much, d'a yib'an̈ noc' molb'etzal noc', d'a yib'an̈ noc' c'ultaquil noc' yed' pax d'a yib'an̈ noc' tz'ec' n̈ern̈onoc ma tz'ec' jachjon d'a sat luum tic, xchi.

Gn 11:7

A ticnaic, con̈ emec d'a scal eb' yic sco somchitan sti' eb', yic vach' man̈xo ol nachajel yuj eb' tastac syal junjun, xchi Jehová chi'.

Gn 22:1

Ix lajvi yec' jun tiempoal, ix ac'ji proval vin̈aj Abraham yuj Dios, ix avtaj vin̈, ix tac'vi vin̈ icha tic: —Ina vajec' tic Mamin, xchi vin̈.

Gn 22:11

Axo yángel Jehová ix avajemta d'a satchaan̈ icha tic: —Abraham, Abraham, xchi. —¿Tas xchi Mamin? xchi vin̈.

Gn 3:22

Ix yalan Jehová Dios: A ticnaic, icha on̈ tic, icha chi' ix aj eb' anima. Tzaxo nachajel yuj eb' b'aj ay vach'il yed' chucal. Yuj chi' ay smay sloan sat te te' eb', aton te' tz'ac'an q'uinal yic pitzann̈ej eb' d'a masanil tiempo, xchi Dios.

A Ch'an̈ Schab'l Libro Samuel 1:7

A d'a jun rato chi', ix b'at q'uelnaj vin̈ d'a spatic, ix in yilanb'at vin̈, ix in yavtancot vin̈. —Tic ayin mamin, xin chi d'a vin̈.

A Ch'an̈ B'ab'el Libro Yic Yab'ixal Eb' Rey 22:20

Ix yalan Jehová icha tic: ¿Mach val junoc ex b'at e montejb'at vin̈aj Acab yic sb'at vin̈ yac' oval d'a chon̈ab' Ramot d'a yol yic Galaad, yic ata' schamcan vin̈? xchi. Ch'occh'oc ix yutej eb' ángel chi' yalan d'ay.

Is 65:1

Ix yalan Jehová icha tic: Ix vac' in b'a yojtaquejel eb' max in c'anb'aneq'ui. Ix in ch'ox in b'a d'a eb' max yal sb'a d'ayin. A d'a eb' max in c'anb'anec' chi', ata' ix vala': Ina in tic, xin chi d'a eb'.

Ez 1:24

Ix vab'anpax sc'an̈ sc'axil eb' chi' ayic sb'at jen̈en̈oc eb'. Icha val sc'an̈ yem a' nivac pajav, ma icha sc'an̈ c'u, ma icha sc'an̈ yec' junoc nivan n̈ilan̈ eb' soldado ma icha val to a Dios Syal yuj Smasanil van sloloni. Ayic tz'och vaan eb' querubín chi' sjen̈vi, syic'anem sc'axil eb' chi', sc'an̈n̈ej jun sc'an̈ chi' d'a yib'an̈ jun b'achanb'at d'a yib'an̈ eb' chi'.

Ez 10:5

Tzato ab'chajn̈ej sc'an̈ sc'axil eb' querubín chi' d'a jun nivan amac' d'a stiel templo chi'. Lajan val icha sjaj Dios Syal yuj Smasanil ayic sloloni.

Ez 9:1

Ix lajvi chi', te chaan̈ ix vab' yoch jun av: Cotocab' eb' ol ac'anoch yaelal d'a jun chon̈ab' tic, junjun eb' yed'nacocab' syamc'ab' yic oval yic satanel eb', xchi.

A Tas Sc'ulejnac Eb' Schecab' Jesús Hechos 20:24

Palta a juntzan̈ chi', malaj tas tzin na yuuj. Vach'chom ol in smilcham eb', palta b'alaj malaj yelc'och jun chi' d'ayin. An̈ej jun tzin na'a to svac'can lajvoc jun in munlajel ayoch tic d'a vib'an̈ d'a tzalajc'olal, yic slajvi vopisio yac'nac Cajal Jesús d'ayin, yic svalanel vach' ab'ix to nivan svach'c'olal Dios d'a eb' anima.

A Tas Sc'ulejnac Eb' Schecab' Jesús Hechos 22:21

Palta yalanxi d'ayin: Ixic, yujto najat tzach in checb'ati, aton d'a scal eb' man̈ israeloc. Icha chi' aj yalan Cajal Jesús chi', xchi vin̈aj Pablo chi' d'a eb'.

A Tas Sc'ulejnac Eb' Schecab' Jesús Hechos 26:19

Yuj val chi', ach rey Agripa, in c'anab'ajej tas ul yalcan Jesús chi' d'ayin, ayic scot d'a satchaan̈ ul sch'oxan sb'a.

A Tas Sc'ulejnac Eb' Schecab' Jesús Hechos 9:4

Yuj chi' ix telvi vin̈ d'a sat luum. Ix yab'an vin̈ yoch jun lolonel. Ix yalan icha tic: —Saulo, Saulo, ¿tas yuj tzin ixtej? xchi d'a vin̈.

Ef 3:8

Jantacn̈ej eb' yicxo Dios ved'oc, yelxo val ec'al yelc'och eb' d'a vichan̈. Palta yuj svach'c'olal Dios yac'nac vopisio tic. Yuj chi', ec'nac in valel d'a e cal a ex man̈ ex israeloc to te nivan svach'il Cristo.

A Ch'an̈ B'ab'el Libro Samuel 3:4

ix avaj Jehová d'a vin̈aj Samuel chi', ix yalani: —Samuel, xchi. —Oy, xchi vin̈.