Is 42:2 - Chuj San Mateo Bible

² Man̈ ol avajoc, man̈ ol ab'chaj yel yav d'a yoltac calle.

Chuj San Sebastian Bible

² May 'aj 'oj q'ue yaw, may mach 'oj 'ab'noc sjaj 'a yoltc caye.

Is 42:2 ပူးပေါင်းရင်းမြစ်များ

Is 42:1

Syalanxi Jehová icha tic: A jun tic in checab', ayin och yed'oc, a in in sic'naqueli, tzin tzalaj val yed'oc. Ol vac'och Vespíritu d'ay, yic sch'olb'itej masanil nivac chon̈ab' d'a stojolal.

Is 42:3

Ay eb' te ilb'aj c'ool, icha te' aj scan̈chaji, ma ichoc sc'apaquil candil van stupi. Palta ol colvaj in checab' chi' d'a eb', man̈ ol svach' ixtej eb', tojol ol yutoc sch'olb'itan tas yaj eb'.

Zacarías 9:9

A Jehová tz'alan icha tic: Tzalajan̈ec ex aj chon̈ab' Sion. B'itanan̈ec d'a tzalajc'olal ex aj Jerusalén. Ina val sjavi e reyal d'a e cal d'a emnaquilal, te tojol spensar. A' ol ex colanoc. Ayq'ue d'a yib'an̈ jun noc' yune' b'uru, yune' jun noc' nun b'uru.

Mt 11:29

Ol vac' junoc icatz e cuch ved'oc. C'ayb'ejec d'ayin, yujto a in tic nanam in, emnaquil in. Tato icha chi', ol eyic' eyip.

Lc 17:20

Ay juntzan̈ eb' vin̈ fariseo ix c'anb'an d'a Jesús: —¿B'aq'uin̈ val ol och Dios Cajaloc? xchi eb' vin̈ d'ay. —Ayic ol och Dios Cajaloc, max yal-laj quilan yed' co sat.

2 Ti 2:24

A mach tz'ac'an servil Cajal Jesús, max yal scomon ac'anoch sb'a d'a scal oval. Yovalil emnaquil syutej sb'a d'a masanil anima. Yovalil vach' syutej sc'ayb'an eb' anima, nivanocab' pax syutej sc'ool.

A Sb'ab'el Carta San Pedro 2:23

Ayic ix b'uchji, maj spaclaj sb'a. Ayic ix och d'a syaelal, maj yal-laj tato ol spac sb'a. An̈ej d'a yol scab' Dios ix yac'och sb'a, yujto an̈ejton jun Juez te tojol.