Is 22:18 - Chuj San Mateo Bible

¹⁸ ol ach in julcanb'at b'alb'on icha junoc tas c'olan c'olan. Te najat ol ach b'atcan d'a jun lum luum te levan sat. Ata' ol ach chamoc, ol satel carruaje tz'ac'an snivanil elc'och chi'. Tzac' val q'uixvelal eb' etmunlajvumal d'a spalacio vin̈ a reyal chi'.

Chuj San Sebastian Bible

¹⁸ 'oj ach in julcn 'at c'olc'noc 'icha junc pelota, caw najt 'oj a 'ati, ata 'oj a c'ochcn 'a jun lum lum caw lewn sat. Ata 'oj a chami, ax yoch wan jun tzo'n̈ caruaje tz'i'n chan̈ a b'inab'ilal, caw 'oj ac' sq'uixwloc eb' et munljuml 'ayc' 'a yatut win ajlil.

Is 22:18 ပူးပေါင်းရင်းမြစ်များ

Job 18:18

Ol ic'chajel d'a scal eb' pitzan b'aj sacq'uinal. B'aj ay eb' chamnac d'a q'uic'alq'uinal ol yumjoccanb'atoc.

Salmos 52:5

Palta a Dios ol ach satanel d'a juneln̈ej. Ol och yub'naj d'ayach, ol ach yic'ancanel d'a a pat, ol yic'anel a q'uinal.

Is 17:13

Vach'chom sc'an̈ scot eb', palta ayic ol cachjoc eb' yuj Dios, ol b'at eb' elelal icha tz'aj yic'jib'at smatz'il ixim trigo yuj ic' d'a jolomtac vitz. Icha tz'aj yic'jib'at lum pococ yuj chacxuxum ic', icha chi' ol aj eb'.

Is 22:17

Vach'chom nivan elc'och alani, palta a in Jehová in ol ach in julcanb'at d'a najat. Yed' val jantac vip ol ach in yamani,

Am 7:17

Yuj chi' a juntzan̈ tic syal Jehová d'ayach: D'a yichan̈ chon̈ab' ol och ix etb'eyum d'a ajmul ixal. A eb' vin̈ uninal yed' eb' ix isilal, ol xicjoccham eb'. Ol pojchajcanec' a luum. Axo d'a slum eb' ch'oc chon̈ab'il ol ach chamoc, axo eb' quetisraelal, najatto ol ic'chajcanb'at eb' preso, xchi Jehová, xin chi.