Is 17:3 - Chuj San Mateo Bible

³ Man̈xalaj chon̈ab' ayoch smuroal d'a yol yic Efraín. A Damasco, man̈xalaj yajalil. A eb' aj Siria olto can chi', q'uixvelal ol ajcan eb' icha eb' israel, xchi Jehová Yajal d'a Smasanil.

Chuj San Sebastian Bible

³ A schon̈b' eb' yic Efraín, 'oj can sch'ocoj, man̈x 'a junc chon̈b' 'aych smuroal 'oj canoc. 'Ixta pax Damasco, man̈x yico'oc pax sb'a. A eb' 'aj Siria 'oj to canoc, 'oj q'uixwoc can 'el eb'; an̈jtona eb' israel, man̈x 'a yel'ch 'oj 'ajcn eb'. A Jehová tztac' yuj smasnil, a tzaln jun tzo'n̈ paxti tic.

Is 17:3 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 16:9

Ix sc'anab'ajej vin̈ sreyal Asiria chi' tas ix yal vin̈aj Acaz chi', yuj chi' ix cot vin̈ yed' eb' soldado yac' oval d'a Damasco. Ix yac'an ganar jun chon̈ab' chi' vin̈. A eb' cajan ta', ix ic'jib'at eb' yuj vin̈ d'a Kir. Ix smilanpaxcham vin̈aj Rezín chi' vin̈.

A Ch'an̈ Schab'il Libro Yic Yab'ixal Eb' Rey 17:6

Axo ix aji, a d'a sb'alun̈il ab'il yoch vin̈aj Oseas chi' reyal, ix ac'ji ganar Samaria yuj vin̈aj Salmanasar sreyal Asiria chi'. Yuj chi' ix ic'jib'at masanil eb' israel d'a preso. Axo d'a chon̈ab' Halah d'a yol yic Habor d'a sti' a' Gozán yed' d'a juntzan̈xo chon̈ab' yic eb' medo, ix ac'jib'at eb' yuj vin̈.

Is 10:9

Lajan ix vutej chon̈ab' Calno yed' chon̈ab' Carquemis. Icha ix vutej Hamat, icha pax chi' ix vutej chon̈ab' Arfad. Axo Samaria lajan ix ajcan yed' Damasco.

Is 16:14

Axo ticnaic syal Jehová icha tic: Yic val oxe' ab'il ticnaic, icha tz'aj sb'isan junoc munlajvum stiempoal smunlaji, icha chi' ol aj satel sb'eyumal Moab. Vach'chom tzijtum eb' ticnaic, palta junxon̈ej b'otzan̈ ol ajcan eb'. Ol paticajel eb', te man̈xalaj yip eb' b'aj ol scol sb'a, xchi Jehová.

Is 17:4

A d'a jun c'ual chi', ol satel yac'umtaquil eb' yin̈tilal vin̈aj Jacob, ol satel yip eb', ol satpaxel sb'eyumal eb'.

Is 25:2

Icha junoc b'ulan̈ q'uen q'ueen ix ajcan juntzan̈ chon̈ab' uuj. A chon̈ab' te tec'an, ix laj em lan̈najoc. Ix aq'uem lan̈naj spalacio eb' ch'oc nacional, man̈xa b'aq'uin̈ ol b'ochajxiq'ueoc.

Is 7:16

Ayic mantalaj spensar jun unin chi', a chab' schon̈ab' chavan̈ eb' rey b'aj tzach xiv tic, ol can tz'inan.

Is 7:8

Yujto a Damasco, a nivan chon̈ab' yaj d'a Siria chi', axo vin̈aj Rezín chi' ayoch sreyaloc. Axo Samaria, a nivan chon̈ab' yaj d'a Efraín chi', axo vin̈ yuninal vin̈aj Remalías chi' ayoch sreyaloc. Palta yic val 65 ab'il ticnaic, ol lajvoquem eb' aj Efraín chi', man̈xo chon̈ab'oc ol aj eb'. Tato a ex pax tic man̈ ol in eyac' val och d'a e c'ol sic'lab'il, man̈ ol cann̈ej e chon̈ab' tic, xchi Jehová chi'.

Is 8:4

Ayic manto yal yalan mamin, nunin vin̈ unin chi', ol ic'jocb'at masanil sb'eyumal chon̈ab' Damasco yed' chon̈ab' Samaria yuj vin̈ sreyal Asiria, xchi Jehová chi'.

Os 1:4

Ix yalan Jehová d'ayin icha tic: Jezreel ol ac' sb'iej vin̈ unin chi', yujto d'a yic jaye' c'ual tic, ol vac'och syaelal eb' yin̈tilal vin̈aj rey Jehú yuj jantac anima ix smilcham eb' d'a chon̈ab' Jezreel. Ol vac'pax lajvoquel chon̈ab' Israel chi'.

Os 1:6

Ix scuchanxioch yune' ix Gomer chi', ix unin jun yune' ix, ix alji. Ix yalan Jehová d'ayin icha tic: “Man̈-xajanab'iloc” tzac' sb'iej ix isil chi', yujto man̈xo ol oc' in c'ol d'a chon̈ab' Israel tic. Man̈xo ol vac'laj nivanc'olal.

Os 10:14

yuj chi' ol q'ue somnaj masanil eb' soldado chi', ol satel e cuartel icha ix aj satel chon̈ab' Bet-arbel yuj vin̈aj rey Salmán. D'a jun oval chi', ix mac'chaj chojoc eb' ix nunab'il yed' yune'.

Os 3:4

Icha pax chi' chon̈ab' Israel, najtil ol ec' d'a ichn̈ej ta', malaj sreyal, malaj pax yajalil. Man̈xo ol sn̈uslaj silab' d'ayin, man̈xalaj q'uen q'ueen b'aj ol yac' silab' eb' d'a juntzan̈ comon dios. Man̈xalaj pichul yic eb' sacerdote, man̈xalaj comon dios d'a yol spat junjun eb'.

Os 8:8

A chon̈ab' Israel ol ac'chaj lajvoc. Man̈xa jab'oc ol aj yelc'och d'a yol sat juntzan̈xo chon̈ab', icha junoc lum c'a chen man̈xa vach' yochi, icha chi' ol ajoc.

Os 9:11

A snivanil yelc'och chon̈ab' Efraín, ton̈ej ol satq'ue icha sb'at jen̈naj junoc noc' much. Man̈xa unin ol aljoc d'ay, man̈xa eb' ix ix ol och yab'ixal, man̈xalaj pax eb' ix ol scuchoch yune'.

Am 8:14

Icha chi' ol aj eb' syac' sti' d'a juntzan̈ yechel q'uixvelaltac ay d'a Samaria, aton eb' tz'alan icha tic: Svac' in ti' d'a sb'i sdiosal eb' aj Dan, ma d'a sb'i sdiosal eb' aj Beerseba, xchi eb'. Yuj chi' man̈xa b'aq'uin̈ ol q'ue vaan eb', xchi Jehová.