Gn 41:36 - Chuj San Mateo Bible

³⁶ Masanil tas ol sic'chajcanb'at chi', a' ol sva eb' anima ayic ol ja uque' ab'il vejel chi', yic vach' max ixtaxel jun chon̈ab' tic yuj vejel, xchi vin̈aj José chi'.

Chuj San Sebastian Bible

³⁶ Ax smasnil 'ixm trigo 'oj molxoc can cha, a 'oj swa eb' 'anma', sec wach' may eb' 'oj cham yuj wejl 'a smasnil yol yic Egipto tic, yic 'oj jawc jun uque ab'il wejl cha, xchi José.

Gn 41:36 ပူးပေါင်းရင်းမြစ်များ

Gn 41:35

Masanil jantac syac' sobre smolb'an eb' vin̈ chi', syac'can eb' vin̈ d'a yol a c'ab', sic'chajcanb'at d'a junjun chon̈ab' d'a yol yic Egipto tic, yic vach' ay tas sva eb' anima.

Gn 41:37

A jun ix yal vin̈aj José chi', ix scha sc'ol vin̈ rey yed' masanil eb' ayoch yajalil yed'oc.