Gn 39:8 - Chuj San Mateo Bible

⁸ Te maj schalaj sc'ol vin̈aj José tas ix yal ix chi'. Ix yalan vin̈ icha tic: —Maay, ojtac ach tic to ix in yac'och vin̈ etb'eyum stan̈vumaloc masanil stastac d'a tic. Ina man̈xo jab'oc tas sna' vin̈ yuj masanil stastac yacb'an ay in eq'ui.

Chuj San Sebastian Bible

⁸ Palta ma'ix yal sc'ojl José, yuj cha, 'ix yaln 'ixtic: —Ma'ay, ojc ach tic to in ya'cn 'och win echmil yilmalc smasnil tas 'ay 'a tic; yujto an 'ayn can yuj win 'a tic, yuj cha, may tas tzna yuj tas 'ay 'a 'a.

Gn 39:8 ပူးပေါင်းရင်းမြစ်များ

Gn 39:23

A vin̈ stan̈vumal preso chi', man̈xalaj tas sna vin̈, masanil tas aycanoch d'a yol sc'ab' vin̈aj José chi' yuj vin̈. Yujto ayn̈ejoch Jehová yed' vin̈, yuj chi' vach'n̈ej ix elc'och smasanil.

Gn 39:4

Yuj chi', te vach'n̈ej vin̈aj José d'a yichan̈ vin̈ spatrón chi'. Ix yac'och vin̈ vin̈ stan̈vumaloc spat yed' masanil tastac ay d'ay.

Pr 1:10

Tato a eb' chuc sb'eyb'al tzach montanb'ati, man̈ ach b'atoc.

Pr 18:24

Tato te ay camigo, ay smay tzon̈ ixtaxel yuj eb'. Palta ay pax eb' camigo yelxo te vach' d'a yichan̈ eb' co c'ab' coc.

Pr 2:10

Icha chi' ol aj sjelanb'i a pensar, ol ach tzalaj yed' tas ojtac chi'.

Pr 22:14

A slolonel eb' ix ix smulan d'a yol sc'ab' yetb'eyum, lajan icha junoc olan te jul yich, aton b'aj sb'atcan eb' scatab'ej Jehová.

Pr 6:29

A mach smulan yed' ix ix ay yetb'eyum chi', yovalil scot d'a yib'an̈.

Pr 7:5

Icha chi' ol aj a colchajel d'a yol sc'ab' ix ajmul ix, aton ix ayxo yetb'eyum, ix te vach' smontan yed' slolonel.