Gn 38:29 - Chuj San Mateo Bible

²⁹ Palta ix yic'anxioch sc'ab' jun nene' chi', axo junxo yuc'tac chi' ix alji sb'ab'elal, yuj chi' Fares ix sb'iej yuj ix vetz'vajum chi'. Ix yalan ix: ¿Tas yuj ix a b'ab'laj equejelta a b'a? xchi ix.

Chuj San Sebastian Bible

²⁹ Wanto cha, xyi'n pax 'och jun 'unn chi sc'ab', ax junx yu'tac chi xb'ab'l 'alj pax 'a 'a, yuj cha, xya'n eb' sb'ic Fares. Xyaln 'ix 'a win 'unn chi 'ixtic: ¡Tas wal 'ix otj ecn 'ec' a b'a 'a yojltac ni o'tac cha! xchi 'ix.

Gn 38:29 ပူးပေါင်းရင်းမြစ်များ

Gn 38:28

Ayic van yalji eb' unin chi', ayic ix elul sc'ab' jun b'ab'el, ix spixanoch jab' chac ch'al ix vetz'vajum d'a sjaj sc'ab' jun unin chi', ix yalan ix: Aton jun b'ab'el tic, xchi ix.

1 Cr 2:4

Axo ix Tamar, ix yalib' vin̈aj Judá chi', ay chavan̈ yune' ix yed' vin̈: Aton vin̈aj Fares yed' vin̈aj Zera. A eb' vin̈ yuninal vin̈aj Judá chi' ovan̈ eb' vin̈ d'a smasanil.

1 Cr 9:4

A d'a yin̈tilal Judá chi', ay 690 eb' vin̈ vinac d'a smasanil. A eb' vin̈ yin̈tilal vin̈aj Fares yuninal vin̈aj Judá, a vin̈aj Utai yuninal vin̈aj Amihud yajal yaj d'a scal eb' yed' pax juntzan̈xo eb' smam yicham d'a stzolal: Aton vin̈aj Omri, vin̈aj Imri, vin̈aj Bani yed' vin̈aj Fares yuninal vin̈aj Judá chi'. A d'a eb' vin̈ yin̈tilal vin̈aj Sela yuninal vin̈aj Judá chi', a vin̈aj Asaías vin̈ b'ab'el unin, yajal yaj pax vin̈ d'a eb' sc'ab'yoc. Axo d'a scal eb' vin̈ yin̈tilal vin̈aj Zera, yuninal pax vin̈aj Judá chi', a vin̈aj Jeuel yajal yaj d'a scal eb' sc'ab'yoc.

Nehemías 11:4

Aton eb' yin̈tilal Judá tic yed' eb' yin̈tilal Benjamín ix can cajan d'a Jerusalén: Ay chavan̈ eb' vin̈ yajal yaji. A jun vin̈ scuchan Ataías yuninal vin̈aj Uzías. Axo eb' smam yicham vin̈, aton vin̈aj Zacarías, vin̈aj Amarías, vin̈aj Sefatías, vin̈aj Mahalaleel. A masanil eb' tic yin̈tilal eb' vin̈aj Fares yuninal vin̈aj Judá. A sb'isul eb', 468 d'a smasanil, te tec'an eb'. Axo junxo vin̈ yajal chi', Maasías sb'i vin̈, yuninal vin̈ vin̈aj Baruc. Axo eb' smam yicham vin̈, aton vin̈aj Colhoze, vin̈aj Hazaías, vin̈aj Adías, vin̈aj Joiarib, vin̈aj Zacarías, yin̈tilal eb' vin̈aj Siloni yuninal vin̈aj Judá.

Mt 1:3

A vin̈aj Judá chi' smam vin̈aj Fares yed' vin̈aj Zara. Tamar sb'i ix snun eb' vin̈ schavan̈il. A vin̈aj Fares chi' smam vin̈aj Esrom, a vin̈aj Esrom chi' smam vin̈aj Aram.

Lc 3:33

vin̈aj Aminadab, vin̈aj Admin, vin̈aj Aram, vin̈aj Esrom, vin̈aj Fares, vin̈aj Judá,

Rt 4:12

Tzijtumocab' uninal ol yac' Jehová yed' ix, q'uib'ocab'n̈ej sb'isul in̈tilal yed' ix, icha ix aj sq'uib'chaan̈ yin̈tilal vin̈aj Fares, aton vin̈ yuninal vin̈aj Judá yed' ix Tamar, xchi eb'.