Gn 32:5 - Chuj San Mateo Bible

⁵ A ticnaic ay noc' in vacax, noc' in calnel, noc' in chiva, noc' in b'uru. Ay eb' vin̈ in checab' yed' eb' ix in checab'. Svalb'at jun ab'ix tic d'ayach mamin vuc'tac, yujto tzin nib'ej tzin och junc'olal ed'oc, xchicot vin̈aj Jacob, xe chi d'a vin̈.

Chuj San Sebastian Bible

⁵ A ticnec 'ay in wacax, in calnelu, in chiwo, in b'uru, ewin in checab' yet' eb' 'ix in checab'. Tzwalb't jun 'ab'x tic 'aych mamin Esaú, yujto tzin nib'j tzin 'och 'a junc'ojlal et'oc, xchi Jacob, xe chi 'a 'a, xchi 'a eb'.

Gn 32:5 ပူးပေါင်းရင်းမြစ်များ

Gn 30:43

Icha chi' ix aj yoch vin̈aj Jacob chi' b'eyumal. Man̈ jantacoc noc' svacax vin̈, noc' scalnel vin̈ yed' noc' schiva vin̈. Man̈ jantacoc noc' scamello vin̈ yed' noc' sb'uru vin̈ yed' pax eb' vin̈ schecab' vin̈ yed' eb' ix schecab' vin̈.

Gn 31:16

D'a val yel masanil b'eyumal ix yiq'uec' Dios d'a vin̈ co mam chi', quicxo yed' eb' cune'. Yuj chi' jun, masanil tas toxo ix yal Dios d'ayach, yic'ocab'i, xchi eb' ix.

Gn 31:3

Axo Jehová ix alan d'a vin̈ icha tic: Meltzajan̈ d'a slum a mam icham b'aj ayec' eb' a c'ab' oc, ol in b'atn̈ej ed'oc, xchi d'a vin̈.

Gn 33:11

Tzin tevi d'ayach to tza cha juntzan̈ silab' ix vic'cot d'ayach, yujto a Dios ix el d'a sc'ol yac'an in b'eyumal tic, malaj jab'oc tas syac' palta d'ayin, xchi vin̈aj Jacob chi'. Ix ochn̈ej tean vin̈ d'a vin̈ yuc'tac chi', yuj chi' ix scha noc' silab' chi' vin̈.

Gn 33:15

—Yic'ocab' icha tzal chi'. Syal scan jayvan̈oc eb' vin̈ in checab' tic yic scolvaj ed'oc, xchi vin̈aj Esaú chi'. Palta ix yalan vin̈aj Jacob chi' icha tic: —Maay, yuj val dios, man̈ ac' pensar vuuj, xchi vin̈.

Gn 33:8

Ix sc'anb'an vin̈aj Esaú d'a vin̈aj Jacob chi' icha tic: —¿Tas tza na d'a yib'an̈ juntzan̈ noc' noc' ix in cha d'a yol b'e? xchi vin̈. —Ic yaj noc' smasanil yic tz'och junc'olal d'a co cal, xchi vin̈aj Jacob chi'.

Gn 47:25

Yuj chi', ix yalan eb' vin̈ icha tic: —Te vach' a pensar mamin, uuj man̈ ol on̈ chamoc. A ticnaic, tic tzon̈ ochcan schecab'oc vin̈ rey chi', xchi eb' vin̈.

A Ch'an̈ Schab'l Libro Samuel 16:4

—Tato icha chi', a ticnaic a masanil tastac ay d'a vin̈aj Mefi-boset chi', ol iquejcani, xchi vin̈ rey chi'. —Mamin rey, ay in d'a yalan̈ a mandar, vach'ocab' tzin can d'a yol a sat, xchi vin̈aj Siba chi'.

Job 6:22

Palta a in tic, malaj tas tzin c'an d'ayex. Malaj tumin tzin c'an d'ayex yic tzin colchaji.

Lc 12:45

Palta q'uinaloc a jun checab' chi' snaani to manto ol ja spatrón chi', yuj chi' syamanoch smac'an eb' yetchecab'vumal chi' yed' eb' ix ix smunlaji, ton̈ej syac' sgana sva'i, syuc'an an̈.

Rt 2:2

Ix yal ix Rut chi' d'a ix Noemí icha tic: —Tzin tevi d'ayach, comonoc tzin a chab'ati, b'at vila' talaj ay b'aj van sjochchaj ixim cebada, talaj scha sc'ol eb' vin̈ aj munlajel chi' tzin sic' jayeoc sjolom quic d'a spatictac eb' vin̈, xchi ix. —Ixic, xchi ix.

A Ch'an̈ B'ab'el Libro Samuel 1:18

—Yuj val dios d'ayach, comonoc vach' tzin can d'a a sat, xchi ix. Ix lajvi chi' ix meltzaj ix, ix jax ix b'aj ayec' eb' chi', ix va ix d'a tzalajc'olal, man̈xalaj yilc'olal ix.