Gn 30:2 - Chuj San Mateo Bible

² Yuj chi' ix cot yoval vin̈aj Jacob, ix yalan vin̈ d'a ix icha tic: —¿Tocval Dios in? A Dios chi' max ac'anlaj une' chi', xchi vin̈.

Chuj San Sebastian Bible

² Yuj cha, xcot yowl Jacob 'a 'ix Raquel, xyaln win 'a 'ix 'ixtic: —¿Toc wal Dios in? A Dios a matz 'a'n jawc one cha, xchi winac.

Gn 30:2 ပူးပေါင်းရင်းမြစ်များ

Gn 16:2

Ix yalan ix Sarai d'a vin̈ yetb'eyum chi' icha tic: —Ina malaj vune' syac' Jehová, yuj chi' tzin tevi d'ayach to tzach vay yed' ix in criada tic, talaj tz'alji junoc yune' ix yic tz'och vuneoc, xchi ix. Ix sc'anab'ajan vin̈aj Abram tas ix yal ix chi'.

Gn 20:18

Yujto yujn̈ej ix Sara chi', man̈xa junoc eb' ix ayec' d'a spat vin̈aj Abimelec chi' ixto unevi junoc tiempoal yuj Jehová.

Gn 25:21

A ix Rebeca chi' malaj yune' ix. Axo vin̈aj Isaac ix lesalvi d'a Jehová yic tz'ac'ji yune' eb' yuuj. Icha chi' jun, ix ab'ji slesal eb' yuj Jehová, ix och ix Rebeca yab'ixal.

Gn 29:31

Ayic ix yilan Jehová to chab'c'olab'il ix Lea chi', ix yac'an svach'c'olal d'a yib'an̈ ix yic tz'aj yune' ix. Axo pax ix Raquel, malaj yune' ix.

Gn 31:36

Yuj chi' ix cot yoval vin̈aj Jacob, ix yalan vin̈: —¿Tas val in mul ix och d'ayach? ¿B'ajtil ay in mul chi' yuj chi' tzac' val och d'a a c'ool in a sayaneq'ui?

Gn 50:19

Ix tac'vi vin̈aj José chi' icha tic: —Man̈xo e na jun chi', max yal-laj vac'anoch in b'a sq'uexuloc Dios.

A Ch'an̈ Schab'il Libro Yic Yab'ixal Eb' Rey 5:7

Ayic ix lajvi yilan jun carta chi' vin̈ sreyal Israel chi', ix sn̈ic'chitanb'at spichul vin̈ yuj sch'oxaneli to tz'och vin̈ d'a ilc'olal, ix yalan vin̈: —Tocval Dios in, ¿tom a in syal vac'an schamel anima, ma svac'anpax sq'uinal eb', yuj chi' schecjicot jun vin̈ vinac tic d'ayin yic sviq'uel jun lepra tic d'a vin̈? Syalelc'ochi to ay tas sna' vin̈ rey chi' d'a in patic, xchi vin̈.

Salmos 113:9

A Jehová tz'ac'an unevi ix ix max unevitaxonlaj. Tz'och ix nunab'ilal, tzalajc'olal tz'ajec' ix d'a spat yed' yune' chi'. Calec vach' lolonel d'a Jehová.

Salmos 127:3

A eb' cuninal, silab' Jehová yaj eb'. A eb' cuninal yed' ix quetb'eyum, svach'c'olalton Dios yaj eb'.

Ex 32:19

Axo yic ix javi vin̈aj Moisés chi' d'a slac'anil campamento chi', ix yilanoch jun yechel quelem vacax chi' vin̈, axo eb' anima van schan̈alvi eb'. Ix te cot yoval vin̈, ix syumanel q'uen q'ueen b'aj tz'ib'ab'iloch checnab'il chi' vin̈, yuj chi' ix pojb'at q'uen d'a yich vitz chi'.

Mt 5:22

Palta a in sval d'ayex, yaln̈ej mach junoc schichonoch sc'ool d'a junoc yetanimail, ol ch'olb'itaj tas yaji. Yaln̈ej mach sb'uchvaj d'a junoc yetanimail, ol ch'olb'itaj yuj eb' sat yajal. An̈ejtona' yaln̈ej mach junoc sb'ajan junoc yetanimail, ay smay sb'atcan d'a infierno d'a scal c'ac'.

Mr 3:5

Ix ec' q'ueleloc Jesús d'a eb', ix cot yoval. Ix te cusq'uei yujto te pit eb'. Ix yalan d'a vin̈: —Aq'uel lian a c'ab' chi', xchi. Ix yac'anel lian vin̈. Icha chi' ix aj sb'oxicani.

Lc 1:42

Yuj chi' te chaan̈ ix yal ix: —A ach tic ec'al svach'c'olal Dios ix yac' d'ayach d'a yichan̈ eb' ix quetixal. Te nivan pax svach'c'olal ol yac' d'a jun une' ol aljoc chi'.

Ef 4:26

Ayic scot eyoval, man̈ e c'ulej junoc chucal yuj jun eyoval chi'. Max yal an̈eja' yajcot eyoval tz'em c'u.

A Ch'an̈ B'ab'el Libro Samuel 1:5

Axo pax ix Ana chi', te xajan ix yuj vin̈, yuj chi' te vach' noc' chib'ej tz'ac'ji d'a ix, vach'chom malaj yune' ix syac' Jehová.