Gn 26:9 - Chuj San Mateo Bible

⁹ Ix b'at checjicot vin̈ yuj vin̈ rey chi', ix yalan vin̈ d'a vin̈: —Toxo ix vila' to etb'eyum ix ix tic, ¿icham chi', ma to maay? ¿Tas yuj ix ala' to anab' ix? xchi vin̈. Ix yalan vin̈aj Isaac chi': —Ix in na' q'uinaloc tzin smilcham eb' aj chon̈ab' tic yuj ix, xchi vin̈.

Chuj San Sebastian Bible

⁹ Yuj cha, x'at ya'nc win 'ijxoc cot Isaac, xyaln win rey chi 'a 'ixtic: —Tox xwila, chajtlto estzil 'ix 'ix tic, ¿'ixtnta', mto ma'ay? ¿Tas yuj 'ix ala to anb' 'ix? xchi winac. —'Ix in na'a toq'ue tzin milx cham yuj 'ix, yuj cha xwaln 'ixta', xchi Isaac cha.

Gn 26:9 ပူးပေါင်းရင်းမြစ်များ

Gn 12:18

Yuj chi' ix schec vin̈ rey chi' avtajcot vin̈aj Abram chi', ix yalan vin̈ icha tic: ¿Tas yuj icha tic tzin utej? ¿Tas yuj maj al d'ayin tato etb'eyum ix tic?

Gn 26:10

Ix yalan vin̈ rey chi': —¿Tas yuj icha chi' ix a c'ulej? Jab'xon̈ej maj on̈ ac'b'at d'a yol sc'ab' chucal. Q'uinaloc ay junoc vin̈ ix vay yed' ix, uujn̈ej am val tz'och co mul, xchi vin̈.

Gn 26:8

Ata' ix ec' tiempo yuj eb'. Ay jun c'ual ix yilelta vin̈ rey chi' d'a yol jun ventena to chelcheloch vin̈aj Isaac chi' d'a ix Rebeca ix yetb'eyum chi'.

Jn 14:9

Yuj chi' ix yalanxi Jesús d'a vin̈: —Felipe, ina pecatax ayinec' eyed'oc, ¿tom manto in ojtacoc? A eb' tzin ilani, syalelc'ochi van yilan in Mam eb'. Yuj chi', ¿tas yuj tzato al d'ayin: Ch'ox a Mam chi' quila', xa chi?

A Tas Sc'ulejnac Eb' Schecab' Jesús Hechos 12:11

Axo ix yilan vin̈ to yel. Yuj chi' ix yalan vin̈: —A ticnaic, svila' to yel ix scheccot jun yángel Dios Cajal tzul in scolanel d'a yol sc'ab' vin̈aj Herodes. In colchajelta d'a yalan̈ jantacn̈ej tas sgana eb' vetisraelal syac'och d'a vib'an̈, xchi vin̈.