Gn 26:31 - Chuj San Mateo Bible

³¹ A d'a junxo c'u, ix q'ue van eb' d'a q'uin̈ib'alil, ix yac'lancan sti' eb' d'ay junjun. Ix lajvi chi' ix stac'lancan sb'a eb' d'a junc'olal, ix paxb'at eb' d'a slugar.

Chuj San Sebastian Bible

³¹ Ax 'a junx c'u, xq'ue wan eb' 'a sq'uin̈b'ial, 'ix laj sta'wni eb' can sti 'a jun jun, xlajw cha, xyaln can sb'a eb' 'a Isaac 'a junc'ojlal.

Gn 26:31 ပူးပေါင်းရင်းမြစ်များ

Gn 14:22

Axo ix yalan vin̈aj Abram chi' icha tic: —Toxo ix vac' in ti' d'a Jehová, aton Dios Axon̈ej Nivan Yelc'ochi, jun ix b'oan satchaan̈ yed' yolyib'an̈q'uinal tic,

Gn 19:2

Ix yalan vin̈: —Ex mamin, tzin tevi d'ayex, coyec ved' d'a in pat. Ay a a' b'aj ol e b'iquel eyoc, ay pax b'aj vach' ol ex can d'a jun ac'val tic, axo q'uic'an spet ex b'ati, xchi vin̈ d'a eb'. Ix tac'vi eb' icha tic: —Yuj val dios d'ayach, palta a on̈ tic ol on̈ can d'a calle tic, a tic ol on̈ vayoc, xchi eb'.

Gn 21:14

Axo d'a junxo c'u te ac'valto, ix yic'ancot vael vin̈aj Abraham chi' yed' jun noc' tz'uum yed'tal a' b'ud'an, ix yac'an vin̈ scuch ix Agar chi', ix ac'jipax vin̈ yune' ix d'a yol sc'ab', ix tac'ajb'at eb' yuj vin̈. Ix b'at ix, ix satb'eyec' ix d'a jun tz'inan luum d'a yol yic Beerseba.

Gn 21:23

Yuj chi' ac' a ti' d'ayin d'a yichan̈ Dios d'a jun lugar tic, to man̈ ol ac' chucal d'ayin, d'a eb' vuninal yed' pax d'a eb' vin̈tilal. Tzac'an a ti' to vach'n̈ej ol utej a b'a d'ayin, icha ix vutej in b'a d'ayach. Icha pax chi' ol utej a b'a d'a eb' anima cajan d'a jun chon̈ab' b'aj janac ach cajan tic, xchi vin̈.

Gn 21:27

Yuj chi' ix yic'ancot noc' calnel vin̈aj Abraham chi' yed' noc' vacax, ix yac'an noc' vin̈ d'a vin̈aj Abimelec chi'. A d'a jun c'u chi' ix sb'ocan jun strato eb' chi' schavan̈il.

Gn 22:3

Axo d'a junxo c'u, te ac'valto ix q'ue vaan vin̈aj Abraham chi'. Ix yac'anoch stz'um noc' sb'uru vin̈, ix xican te' sc'atzitzal jun silab' chi' vin̈. Ix yic'anb'at vin̈aj Isaac yuninal yed' chavan̈ eb' schecab', ix b'at vin̈ yed' eb' d'a jun lugar ix yal Dios chi'.

Gn 25:33

—Ac'can a ti' d'ayin d'a jun rato tic, xchi vin̈aj Jacob chi'. —Inye, xchi vin̈aj Esaú chi'. Ix yac'an sti' vin̈ yic sch'oxaneli to syac'can sderecho vin̈ yic sb'ab'el vinaquil d'a vin̈aj Jacob chi'.

Gn 26:32

Axo d'a jun c'u chi', ix ja eb' schecab' vin̈aj Isaac chi', ix ul yalan eb' d'a vin̈ to a d'a jun jul joyb'ilcan yuj eb' vin̈, ayxo a a' d'a yool.

Gn 31:44

Yuj chi', cotan̈ co b'o junoc co trato ticnaic yic ch'oxnab'il tz'ajcan d'a co cal co chavan̈il, xchi vin̈aj Labán chi'.

Gn 31:55

Axo yic ix sacb'i d'a junxo c'u, ix q'ue vaan vin̈aj Labán chi', ix tz'ub'ancan sti' eb' yixchiquin vin̈ yed' eb' ix yisil vin̈, ix yalancan vach' lolonel vin̈ d'a yib'an̈ eb', ix meltzaj vin̈ d'a spat yed' eb' ajun yed'oc.

A Ch'an̈ Carta D'a Eb' Hebreo 6:16

Ayic sco locan sb'i junoc mach, an̈ej junoc mach ec'al d'a quichan̈ sco loco'. Ayic scalan junoc tas te yel, sco loc sb'i junoc mach, yic man̈xa mach stelaj sb'a qued'oc.

A Ch'an̈ B'ab'el Libro Samuel 14:24

A d'a jun c'u chi', ix te el yip eb' israel chi', yujto malaj junoc eb' ix va yuj tas ix yal vin̈aj Saúl icha tic: Catab'ajocab' mach sva d'a jun q'uic'b'alil tic, ayic mantzac viq'uel yoval in c'ol d'a eb' ajc'ol tic, xchi vin̈.

A Ch'an̈ B'ab'el Libro Samuel 20:3

Ix och ijan vin̈aj David chi' yalani: —Yojtac vin̈ a mam chi' to te vach' cac'ani, yuj chi' max yal-laj vin̈ d'ayach, max yal-laj sc'ol vin̈ tzojtaquejeli, yic max ach cusi. Palta yojtacxo Jehová to ayxo och chamel d'a vib'an̈, xchi vin̈.

A Ch'an̈ B'ab'el Libro Samuel 30:15

—¿Tzam in ic'b'at d'a juntzan̈ eb' vin̈ elc'um chi'? xchi vin̈aj David chi' d'a vin̈. Ix tac'vi vin̈: —Syal ach vic'anb'ati tato tzac' a ti' d'a yichan̈ Dios to max in a milchamoc, max in ac'paxoch d'a yol sc'ab' vin̈ in patrón chi', xchi vin̈.