Gn 21:16 - Chuj San Mateo Bible

¹⁶ Najattac ix b'at ix, ix em c'ojan ix, yic vach' max yil ix scham vin̈ yune' chi' snaani. Ayic ix em c'ojan ix chi', ix q'ue sjaj vin̈ yoq'ui.

Chuj San Sebastian Bible

¹⁶ Najt 'ix cot wocn 'ix sec wach' matz yil 'ix scham win 'unn chi yalni. Ax yic 'ix 'em wocan, 'ix 'o'chan̈ 'ix.

Gn 21:16 ပူးပေါင်းရင်းမြစ်များ

Gn 21:15

Ayic ix lajvi a a' d'a yol noc' tz'um chi', ix yactancan vin̈ yune' ix chi' d'a yich jun te' yune' te'.

Gn 27:38

Ix tevin̈ejoch vin̈aj Esaú chi' icha tic: —Mamin, ¿man̈xom val junoc vach' lolonel syal alancan d'a vib'an̈ jun? Alcan junocxo a vach' lolonel d'ayin, xchi vin̈. Ix elxi veq'uec'oc yav vin̈ yoq'ui.

Gn 29:11

D'a elan̈chamel ix yac'an stzatzil sc'ol ix Raquel chi' vin̈, ix tz'ub'elta sti' ix vin̈, ix oc'q'ue vin̈.

Gn 44:34

Tato maay jun, ¿tasto val ol aj in b'at vil vin̈ in mam chi', tato man̈oc jun vin̈ ved'oc? Man̈ jab'oc syal in c'ol svil scusc'olal vin̈ in mam tato icha chi' tzuji, xchi vin̈aj Judá chi'.

A Ch'an̈ B'ab'el Libro Yic Yab'ixal Eb' Rey 17:12

Ix tac'vi ix: —Val d'a yichan̈ Jehová a Diosal svala', malaj jab'oc ixim pan b'ob'il vuuj, axon̈ej val jun b'ech jab' varina yaab'ilcan vuj d'a yol jun xalu yed' jab' vaceite ay d'a yol yed'tal. An̈ej ol in c'ochxoc yed' chab' in b'olob' tic, ol in vach' b'oan jab' varina chi' in va yed' tzun vune' tic, ol lajvoc chi', ol co tan̈van cham co b'a yuj vejel, xchi ix.

A Ch'an̈ B'ab'el Libro Yic Yab'ixal Eb' Rey 3:26

A ix ay yic jun nene' unin pitzan chi', ix och val pitz'naj cusc'olal d'a spixan ix, ix yalan ix d'a vin̈ rey chi': —Mamin rey, elocab' d'a a c'ol max chab'ajlaj snan̈al jun unin tic. Ac'jocab' d'a ix tic, xchi ix. Ix yalan junxo ix chi': —Max canlaj ved'oc, max canpaxlaj yed' ix tic. Chab'ajocab' snan̈al, xchi ix.

Ester 8:6

Man̈ ol techaj vuj vilan tas ol javoc d'a yib'an̈ masanil eb' vetchon̈ab' yuj tas ol aj co satjieli, xchi ix.

Is 49:15

Palta syalanxi Jehová icha tic: A junoc ix nunab'il, ¿tocval sb'at satc'olal yune' ix yuuj? Vach'chom sb'at satc'olal yuj ix jun, palta a in tic man̈ ol ex b'at satc'olal vuuj.

Jeremías 6:26

Ix yalan Jehová d'a schon̈ab' icha tic: Ex in chon̈ab', aq'uecoch pichul ya sva'i yic tze ch'oxanel e cusc'olal. Ec'an̈ec b'alb'on d'a scal q'uen tic'aq'uil taan̈. Ochan̈ec val d'a cusc'olal, oc'an̈ec val sic'lab'il, icha val yic scham junoc c'otan̈ eyuninal, yujto a jun mach ol ex sataneloc, van sja tzac'najoc, xchi.

Am 8:10

A in ol vac'och sc'ual e q'uin̈ d'a cusc'olal. Axo e b'it yuj tzalajc'olal ol vac'och d'a oq'uel yuj chamel. Axo pichul yic cusc'olal ol eyac'ochi, ol e joxanel xil e jolom yuj e ch'oxanel e cusc'olal. Ol ex oc' icha junoc mach tz'oc' yuj junoc c'otan̈ yuninal ix chami. Cusc'olal ol aj slajvi masanil.

Zacarías 12:10

Ol vac' Vespíritu d'a eb' yin̈tilal vin̈aj David yed' d'a juntzan̈xo eb' cajan d'a Jerusalén, yic tz'oc' sc'ol eb', stevipax eb' d'ayin. Ayic ol in yilan eb' ix in tecani, ol oc'q'ue eb' icha yoc' junoc anima yuj schamel jun c'otan̈ yuninal, ma yuj sb'ab'el yuninal.

Lc 15:20

Ix meltzaj vin̈ b'ian. Najatto van scot vin̈, ix yilanb'at vin̈ smam vin̈ chi', ix te oc' sc'ool vin̈ d'a vin̈. Ix b'at lemnaj vin̈ schacot vin̈. Ix och lac'naj vin̈ d'a vin̈, ix stz'ub'anelta sti' vin̈ d'a tzalajc'olal.

Jueces 2:4

Ayic ix lajvi slolon Yángel Jehová chi', masanil eb' chon̈ab', te chaan̈ ix el yav eb' yoq'ui,

Rt 1:9

Aocab' Jehová ol och eyed'oc yic ol ochxoc eyetb'eyum, vach'n̈ej ol aj eyajxiec' d'a e pat, xchi ix. Ix tz'ub'anelta sti' eb' ix yalib' ix chi', ix syamanoch eb' ix yoq'ui.

A Ch'an̈ B'ab'el Libro Samuel 24:16

Axo ix lajvi slolon vin̈aj David chi', ix yalan vin̈aj Saúl chi': —Ach David, ¿tom a ach tzach lolon chi' ma? xchi vin̈. Ix oc'q'ue vin̈.

A Ch'an̈ B'ab'el Libro Samuel 30:4

Yuj chi' ix te oc' eb', masanto ix el yip eb' yoq'ui.