Gn 18:5 - Chuj San Mateo Bible

⁵ Yacb'an ayex ec' d'a in tz'ey tic, tzin b'at vic'cot jab'oc tas ol e va, yic vach' tz'och eyip, ichato chi' ol ex b'atxoc, xchi vin̈ d'a eb'. —Ixic an, xchi eb' d'a vin̈.

Chuj San Sebastian Bible

⁵ Ya' sb'a a 'a in tz'ey tic tzex 'eq'ui, tic tzin 'at wic' jac tas tze c'uxu, yic wach' 'oj 'ochx eyip, ax e 'atxi, xchi 'a eb'. —'Ixc 'an, xchi eb' 'a 'a.

Gn 18:5 ပူးပေါင်းရင်းမြစ်များ

Gn 18:6

Ix ochb'at lemnaj vin̈ d'a yol smantiado. Ix yalan vin̈ d'a ix Sara icha tic: —Lem, ic'cot junoc coxtal ixim harina te vach', tza b'oan jantacoc pan staji d'a cal tzac'ac', xchi vin̈ d'a ix.

Gn 19:8

Ay chavan̈ eb' ix visil cob'estac, mantalaj vinac tz'ec' d'a spatic eb' ix, syal vic'anelta eb' ix d'ayex yic tze c'ulej icha e gana chi' yed' eb' ix. Palta a yed' eb' vin̈ tic, max yal-laj, yujto ton̈ej ix jacan eb' vin̈ d'a in pat tic, xchi vin̈ d'a eb' vin̈.

Gn 33:10

Palta ix och ijan vin̈aj Jacob chi' yalan d'a vin̈ icha tic: —Maay vuc'tac, tato vach' in d'a ichan̈, cha juntzan̈ silab' svac' tic d'ayach, icha val to a Dios svilochi ayic tzach vilan tic, yujto d'a vach'c'olalil ix in a cha'a.

A Ch'an̈ B'ab'el Libro Yic Yab'ixal Eb' Rey 17:11

Vanxo sb'at ix yic'cot a', ix avajxi vin̈ d'a ix: —Tzin tevipax d'ayach to tzic'cot jab'oc pan in va'a, xchi vin̈.

Salmos 104:15

Aton vino tz'ac'an tzalajb'oc co c'ool, aceite tz'ic'an copopi tz'aj co sat yed' pax ixim ixim tz'ac'an quip.

Is 3:1

A ticnaic a Jehová Yajal d'a Smasanil, ol yic'canel masanil tas tz'ab'laji yed' masanil tas tz'uc'ji d'a Jerusalén tic yed' d'a Judá. Ol yic'anpaxel masanil eb' yipc'olal yaj yuuj:

Mt 6:11

Ac' tas sco va d'a c'u tic.

Jueces 13:15

A vin̈aj Manoa chi', man̈ yojtacoc vin̈ tato Yángel Jehová jun chi', yuj chi' ix yal vin̈: —Sval d'ayach, comonoc tz'el d'a a c'ool tzon̈ a tan̈vej, tic b'at co b'o junoc noc' yune' chiva a chi'a, xchi vin̈ d'ay. Ix tac'vi jun Ángel chi': —Vach'chom tzin can eyed'oc, palta man̈ ol in valaj. Syal eyac'an noc' chi' silab'il d'a Jehová, xchi.

Jueces 19:5

Axo d'a schan̈il c'ual jun, ix q'ue vaan vin̈ d'a q'uin̈ib'alil yic smeltzaj eb' vin̈ yalani. Ayic vanxo smeltzaj eb' chi', ix yalan vin̈ sn̈i' vin̈ chi' d'ay: —Vaec junoc eyooch ichato chi' tzex b'ati yic vach' ay eyip ol ex b'eyoc, xchi vin̈.

Jueces 6:18

Tzin tevi d'ayach to max ach el d'a tic, ol vic'cot junoc in silab' d'ayach, xchi vin̈. Ix tac'vi Jehová chi': —Ayinn̈ej ec' d'a tic masanto ol ach jaxoc, xchi.

Jueces 6:19

Ix lajvi chi' ix b'at vin̈aj Gedeón sb'o jun noc' yune' chiva, ix sb'oanpax ixim pan vin̈ d'a jun echlab' ixim harina, malaj yich pan ix yac'b'at vin̈ d'a scal. Ix lajvi chi' ix yac'anem noc' chib'ej chi' vin̈ d'a yol jun te' mooch, axo d'a yol jun lum chen ix yaq'uem yalil noc' vin̈. Ix yic'ancot masanil juntzan̈ chi' vin̈ d'a yichan̈ Ángel chi' d'a yich jun te' mach' chi'.