Gl 4:27 - Chuj San Mateo Bible

²⁷ A d'a Slolonel Dios Tz'ib'ab'ilcani, ata' syalcan icha tic: Vach'chom toxonton malaj une', palta tzach tzalaji. Man̈ ojtacoc chajtil syail yalji unin, palta elocab' av yuj tzalajc'olal. Yujto a jun ix scan sch'ocoj, ec'alto sb'isul yune' ix ol aljoc d'a yichan̈ ix ay vin̈ yetb'eyum, xchicani.

Chuj San Sebastian Bible

²⁷ A 'a Ch'an̈ U'un̈, ata tzyal Dios 'ixtc yuj chon̈b' Jerusalén: Ach 'ix, wach'xam toxn may one', palta tzaljan̈. Man̈ ojcoc xon syal tz'aj yalj 'unin, palta q'ue cab' 'aw a tzalji. Yujto a junc 'ix 'ix 'actb'il can yuj yichmil, yel xo niwn yune 'oj 'aljoc 'a yib'n̈ 'ix tz'i'n yichmil 'ix cha, xchi 'a Ch'an̈.

Gl 4:27 ပူးပေါင်းရင်းမြစ်များ

A Ch'an̈ Schab'l Libro Samuel 13:20

Ix sc'anb'an vin̈ snulej ix scuchan Absalón d'ay: —¿Tom ach yixtej vin̈ a nulej aj Amnón chi'? Tato icha chi' ach vanab', eman̈ numan b'ela. Mocab' ach te oc' yuj ilc'olal yuj jun chi', yujto a nulej vin̈, xchi vin̈ d'a ix. Yuj chi' ix can ix d'a spat vin̈ snulej chi'. Te cusc'olal ix ajcan ix.

Salmos 113:9

A Jehová tz'ac'an unevi ix ix max unevitaxonlaj. Tz'och ix nunab'ilal, tzalajc'olal tz'ajec' ix d'a spat yed' yune' chi'. Calec vach' lolonel d'a Jehová.

Is 49:21

Ol e naan icha tic: ¿Mach ay yuninal juntzan̈ eb' tic? A on̈ tic man̈xalaj cuninal. Maxtzac yalpaxlaj yalji eb', ic'b'il on̈ b'at d'a jun ch'oc nacional, chacb'il on̈ eli. ¿Mach ix ilan q'uib' eb' cuninal tic? ¿B'ajtil ix cot eb'? xe chama.

Gl 4:19

A exxo, icha val to vune' ex, svab' val syail eyuuj, icha junoc ix ix tz'ab'an syail yalji yune'. Ichan̈ej chi' svab' syail eyuuj, masanto ol lajanb'oc e pensar yed' Cristo.

1 Ti 5:5

Ay eb' ix chamnac yetb'eyum d'a val yel aycan sch'ocoj. A eb' ix chi', an̈ej Dios syac'och eb' ix yipoc sc'ool. C'ual d'ac'val slesalvi eb' ix yuj sc'anan eb' ix jantacn̈ej tas ay tz'och yuuj.

A Ch'an̈ B'ab'el Libro Samuel 2:5

A mach syac' sobre svael d'a yalan̈taxo, axo ticnaic smunlaj yuj jab'oc svael. A mach ix ab'an syail vejel, axo ticnaic b'ud'an sc'ool. A ix ix max unevitaxonlaj, axo ticnaic, ayxo ucvan̈ yune' ix. Axo pax ix tzijtum unin ix yuneej, axo ticnaic man̈xalaj yune' ix.