Ez 45:1 - Chuj San Mateo Bible

^1-3 Ayic tz'och suerte yic spucchajec' lum luum d'a junjun in̈tilal, yovalil ch'oc tz'ic'chajcanel jab'oc luum vic tz'ajcan a in Jehová in tic, 12 kilómetro yed' nan̈alxo steel luum, oye' kilómetro sat luum. Masanil jun lum chi', vic tz'ajcan luum. A d'a snan̈al lum chi', ata' tz'ic'jicanel junoc macan̈ lum b'aj scan templo, 250 metro tz'aj lum d'a schan̈il pac'an̈. A d'a spatictac lum chi' scan pax jab'oc lum colan tz'ajcani, 25 metro sat.

Chuj San Sebastian Bible

¹ A yic 'oj 'och suerte 'a yib'n̈ lum lum cha, yic tzpojx 'ec' lum 'a eb' yin̈tl Israel, yowlal tze pojcn 'el jun c'ajoc lum wico'oc an Jehová in. A jun lum cha, nan̈lyoxlajn̈il kilómetro yoc lu'um, lajn̈e kilómetro pax sat; wic tz'ajcn jun cha.

Ez 45:1 ပူးပေါင်းရင်းမြစ်များ

Pr 3:9

Ch'oxeli to nivan yelc'och Jehová d'ayach. Tzac'an junoc ofrenda d'ay d'a tas ay d'ayach yed' pax d'a juntzan̈ sb'ab'el sat tas tzavej.

Ez 42:16

A jun te' aj yed'nac vin̈, a te' ix yac'lab'ej vin̈ yechtani. A jun pac'an̈ d'a stojolal b'aj sjavi c'u, 250 metro yoc.

Ez 48:29

Aton jun lum chi' ol scha juntzan̈ yin̈tilal Israel smacb'enoc. Icha chi' ol aj e pucanec' luum.

Lv 25:23

A lum luum chi', max yal-laj e chon̈anel lum d'a juneln̈ej, yujto vic luum. A ex tic ton̈ej paxyalvum eyaj d'a sat luum, majan lum eyaj d'ayin.

Nm 34:13

Ix yal juntzan̈ checnab'il tic vin̈aj Moisés d'a eb' israel: Aton jun luum tic ol e pojec' d'a e patic, aton lum ix yal Jehová to ol pojchajec' d'a scal eb' nan̈al slajun̈il eyin̈tilal, yujto toxo ix schacan smacb'en nan̈al yoxil in̈tilal,

Josué 13:6

Ol viq'uel masanil juntzan̈ eb' tic d'a eyichan̈: Aton eb' aj Sidón yed' masanil eb' cajan d'a tzalquixtac sb'atn̈ej d'a Líbano, masanto d'a Misrefot-maim. A ach ol a pojcanec' luum, ol ac'ancan lum smacb'enoc eb' etisraelal icha val ix aj valan d'ayach.

Josué 13:7

Ol a pojcanec' masanil juntzan̈ lum tic d'a b'alun̈ macan̈xo yin̈tilalcan Israel yed' d'a nan̈alxo yin̈tilalcan Manasés, xchi Jehová d'a vin̈aj Josué chi'.

Josué 14:1

Ay nan̈al slajun̈il eb' yin̈tilalcan Israel mantzac scha sluum. Ix scha slum eb' chi' d'a lum Canaán, ix pojchajec' luum yuj vin̈aj sacerdote Eleazar yed' vin̈aj Josué yuninal vin̈aj Nun yed' eb' yajal yaj d'a junjun yin̈tilal eb' israel. Ix pojjiec' lum d'a eb' d'a suerteal, ato syal b'aj ix sch'ox Dios d'a junjun macan̈ eb' icha val ajnac yalan Jehová d'a vin̈aj Moisés.

Josué 14:3

Yac'nacxopaxcan lum sc'axepalec' a' Jordán vin̈aj Moisés d'a nan̈al yoxilxo macan̈ eb' yin̈tilalcan Israel chi'. Axo pax eb' yin̈tilalcan vin̈aj Leví, malaj slum eb' ix ac'ji, yujto a eb' yin̈tilalcan José, chab' macan̈ ix aj eb', aton eb' yic Manasés yed' eb' yic Efraín. Yuj chi' a eb' yin̈tilalcan vin̈aj Leví chi' maj yic' junoc macan̈ sluum eb' b'aj junn̈ej tz'ajcani, palta an̈ej juntzan̈ chon̈ab' b'aj syal scajnaj eb' yed' lum ay d'a spatictac schon̈ab' eb' chi' b'aj sva noc' smolb'etzal noc' eb', aton chi' ix ac'ji d'a eb'.