Ez 41:13 - Chuj San Mateo Bible

¹³ Ix lajvi chi', ix yechtan sc'atul templo chi' vin̈. A sc'atul chi' 50 metro. Axo jun amac' d'a spatic templo chi' masanto d'a jun cuarto d'a stojolal b'aj tz'em c'u yed' pax spimal yichtac, 50 metro d'a smasanil.

Chuj San Sebastian Bible

¹³ Xlajw cha, xyechtan jun winc chi spac'b'il yatut Dios chi 'a smasnil; a spac'b'il cha, 50 metro. Ax jun 'amc' 'a spatc yatut Dios yet' junx n̈a 'ay 'a stojlal 'aj tz'em c'u, yet' pax smuroal, 50 metro jun tzo'n̈ chi 'a smasnil.

Ez 41:13 ပူးပေါင်းရင်းမြစ်များ

Ez 40:47

Ix lajvi chi', ix yechtan jun schab'il amac' vin̈. Lajann̈ej yechel schan̈il pac'an̈, 50 metro yaji. Axo altar b'aj sn̈usji silab', a d'a yichan̈ templo ayeq'ui.

Ez 41:12

A d'a stojolal b'aj tz'em c'u d'a stojolal jun amac' d'a spatictac templo chi', ay jun nivan cuarto 35 metro sat, 45 metro sc'atul yool. A yichtac, nan̈al yoxil metro spimal.

Ez 41:14

A d'a sat jun templo chi' yed' yamaq'uil sti' ay d'a stojolal b'aj sjavi c'u, 50 metro pax jun chi' smasanil.

Ez 41:15

Ix lajvi chi', ix yechtan sc'atul jun nivan cuarto vin̈, jun ay d'a spatic templo q'uelancot d'a amac' yed' yichtac, 50 metro smasanil. A chab' cuarto d'a yol templo yed' scorredoral q'uelanb'at d'a amac',

Ez 42:1

Ix lajvi chi', ix in yic'anelta vin̈ d'a amac' d'a spatictac templo d'a stojolal norte. Ix in yic'anoch vin̈ d'a yol chab' pat d'a spatiquel amac' chi' yed' d'a stojolal norte d'a jun nivan cuarto d'a spatic templo chi'.

Ez 42:10

b'aj tz'elul jun muro d'a sti' amac' chi'. Axo d'a stojolal sur, d'a sti' jun amac' d'a spatictac templo yed' jun nivan cuarto, ata' ay pax chab'xo pat.

Ez 42:2

A chab' pat d'a stojolal norte chi', 50 metro sc'atul, 25 metro sat.

Ez 42:8

Yujto a jun pat ay d'a stz'ey b'ab'el amac' chi', 25 metron̈ej sc'atul, axo pax junxo pat ay d'a spatic templo chi', 50 metro sc'atul.