Ez 27:11 - Chuj San Mateo Bible

¹¹ A eb' vin̈ aj Arvad, junn̈ej yajec' eb' vin̈ yed' eb' vin̈ soldado aj Tiro, oyanoch eb' vin̈ d'a spatic smuroal chon̈ab' chi'. Axo d'a torre, ay eb' vin̈ aj Gamad. Slocb'ejq'ue smaclab' jul-lab' eb' vin̈ d'a sattac muro chi' yic te vach' tz'aj yilji chon̈ab' chi'.

Chuj San Sebastian Bible

¹¹ A eb' winc 'aj Arvad, junn̈j xyutj sb'a eb' yet' eb' a soldado. 'Ix q'ue ch'ucn eb' 'a yib'n̈ a chon̈ab'. C'uxn 'ix yoy eb' jun muro chi smasnil. Ax eb' 'aj Gamad, a eb' xtan̈wni jun tzo'n̈ a torre. Xlaj slocnc 'och eb' jun tzo'n̈ smacl jul-lab' 'a sat jun muro cha, a chi x'och yelwnub'loc.

Ez 27:11 ပူးပေါင်းရင်းမြစ်များ

Cantares 4:4

A val a jaj, lajan val icha torre b'ob'il yuj vin̈aj rey David, locjab'och mil maclab' jul-lab' yic eb' soldado jelan d'a spatictac yelvanub'oc.

Ez 27:10

A eb' vin̈ aj Persia, eb' vin̈ aj Lidia yed' eb' vin̈ aj Libia, a eb' vin̈ ayoch soldadooc, a eb' vin̈ tz'ac'an oval. A smaclab' jul-lab' eb' vin̈ yed' sq'uen xumpil, slocb'ejq'ue eb' vin̈ d'a sattac smuroal chon̈ab', ichato yelvanub' yaji, te vach' yilji yuuj.

Ez 27:12

A eb' aj Tarsis syac' q'uen plata eb', q'uen hierro, q'uen estaño yed' q'uen plomo sq'uexuloc tastac sman ta'.

Ez 27:8

A eb' smac'an b'ey te' barco chi', a d'a Sidón yed' d'a Arvad cajan eb'. Axo eb' sch'uman te' barco chi' aj Tiro eb', aton eb' te n̈ican spensar.