Ez 13:10 - Chuj San Mateo Bible

¹⁰ A juntzan̈ eb' syaloch sb'a in checab'oc chi', ton̈ej syac' eb' in chon̈ab' eb' musansatil, syalan eb' icha tic: A ticnaic man̈xo e na' to ay tas ol ja d'a quib'an̈, xchi eb', palta man̈ yeloclaj syal eb'. Lajan eb' icha junoc mach stzicanoch q'uen taan̈ d'a junoc yichtac pat chuclaj yaj sb'oi.

Chuj San Sebastian Bible

^10-16 A eb' tzyalch sb'a in checb'oc cha, caw wal 'ix yac' eb' 'es 'a eb' in chon̈ab'. 'Ix cob' yaln eb' 'ixtic: A ticnec man̈x e na to 'ay tas 'oj jawc 'a quib'n̈ec, xchi cob' eb', palta man̈ yeloc to may tas 'oj jawc 'a yib'n̈ eb'. A eb' cha, lajn tzyutj sb'a eb' 'icha junc mach tznipn junc muro ton̈j b'alb'ob'il. A b'i'ch tzya'ch sniploc, tzicn 'och tan̈ 'a spatic yic wach' cob' yilxi. Palta ax yic tzya'n junc niwquil yaxn̈ab' 'aych yic'al, 'aych pax sacb'at 'a scal, a jun n̈ab' chi tzma'n lan̈chjoc. Ax yic tzyiln eb' 'anma to lan̈chjnacx 'ejmi, tzyaln eb' 'ixtic: ¿Tas x'aj lum b'i'ch x'och sniploc jun muro tic? ¿'Ajtil xc'och lu'um? xchi eb'. 'Ixtnta yaj tas tzyal eb' cob' tzyalch sb'a in checb'oc cha. Tzyal cob' eb' to a Jerusalén may tas 'oj 'i'noc yuj smaysch'olnilal eb' 'anma cha. Palta an Jehová in, an tzwal 'ixtic: 'Oj wa' cot yowl in c'ojl 'a yib'n̈ Jerusalén, 'oj lajwc 'ejm yuj in c'a'lc'ojlal. Sactzicnac 'oj 'ajcn 'a sat lu'um, ax scheclj yipnub'al yich. 'Ixta 'oj 'aj scham eb' cob' tzyalch sb'a in checb'oc cha yujto a tas tzyal eb' 'a eb' in chon̈ab', lajn 'icha b'i'ch tz'och sniploc junc muro cha. Ax waln 'ixtic: 'Iltec, tox 'ix lajw 'ejm Jerusalén, yet' eb' 'anma xcob' 'alnoc to may tas tz'i'ni, 'oj in chioc. Atta 'oj in eyojcoc 'eli, to an ton Jehová in, to cojn in ton Dios in.

Ez 13:10 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 21:9

Palta maj scha yab' juntzan̈ chi' eb'. A val vin̈ rey chi' ix cuchb'an eb' d'a chucal chi'. Ec'b'al chucal ix sc'ulej eb' d'a yichan̈ juntzan̈ nación satb'ilel yuj Jehová d'a yichan̈ eb' smam yicham eb' d'a peca'.

2 Cr 18:12

A vin̈ checab' ix b'at avtancot vin̈aj Micaías chi', ix yal vin̈ d'a vin̈aj Micaías chi' icha tic: —Masanil eb' vin̈ schecab' Dios, vach'n̈ej ix yutej eb' vin̈ yalan d'a vin̈ rey chi'. Yuj chi' sval d'ayach, icha ix yutej eb' vin̈ yalan chi', icha pax chi' tzutej alani, vach'n̈ej ol utej alani, xchi vin̈.

Pr 12:26

A eb' tojol spensar, cuchb'um tz'aj eb' d'a eb' yetanimail d'a vach'il. Axo pax eb' chuc spensar jun, scuchb'ejb'at eb' yetanimail eb' d'a chucal.

Is 30:10

Syalan eb' d'a eb' in checab' icha tic: Man̈ eyal d'ayon̈ tas ix ac'ji eyil chi'. Man̈ eyal lolonel yic tojolal. A sco c'ana' to an̈ej lolonel sco nib'ej scab'i, a tzeyala'.

Is 57:21

A eb' sc'ulan chucal, malaj jab'oc vach'il ol scha eb', xchi Jehová.

Jeremías 14:13

Ix in tac'vi d'a Jehová chi' icha tic: Palta Mamin Jehová in Diosal, a eb' syaloch sb'a a checab'oc, syal eb' d'a eb' anima tic to malaj oval ol ochoc. Malaj vejel ol javoc. Syal eb' to ol ac'n̈ej junc'olal b'aj cajan on̈ tic, xin chi.

Jeremías 23:17

A d'a eb' b'aj malaj yelc'och in lolonel, ata' syal eb' icha tic: Vach'n̈ej ol aj eyelc'ochi, xchi eb'. A d'a eb' stec'b'ej sb'a sc'ulan tas snaelta d'a yol yico', syal eb' icha tic: Malaj junoc yaelal ol javoc d'a eyib'an̈, xchi eb'.

Jeremías 23:32

A in svala', te aycot yoval in c'ol d'a juntzan̈ checab' stz'ac yal svayich. A yuj juntzan̈ nivac esal lolonel syal eb' chi', satcanb'at eb' in chon̈ab'. Man̈oc in tzin checb'at eb', man̈oc in svac' in checnab'il d'a eb', yuj chi' malaj tas vach' yic'an eb' in chon̈ab' tic d'a eb', xchi Jehová.

Jeremías 28:9

Palta tato ay junoc checab' tz'alani to ol ja vach'il d'a juntzan̈ nación, ato yic ol elc'ochoc, ichato chi' ol checlajeloc to a Jehová ix checan yala', xin chi.

Jeremías 4:10

Ix valan Jeremías in tic: Ay Mamin ¿tas yuj ix a q'uexan̈ tiej eb' aj Jerusalén tic? Ix ac' a ti' ac'an junc'olal d'a eb', axo ticnaic, a q'uen cuchilub' ijanoch d'a sjaj eb' uuj, xin chi.

Jeremías 5:31

A eb' syaloch sb'a in checab'oc, an̈ej es syal eb'. Axo eb' sacerdote syac' yajalil eb' icha sgana. Axo in chon̈ab' tic, vach' syab'i. Palta, ¿tas val ol aj eb' ayic ol ja slajvub'?

Jeremías 50:6

A in chon̈ab' tic, lajan icha noc' calnel satnacb'ati, max tan̈vaj yuj stan̈vumal, yuj chi' satcanb'at noc' d'a jolomtac vitz. Axon̈ej d'a jolomtac vitz chi' tz'ec' noc', axo tz'aji, sat sc'ol noc' d'a smacte'.

Jeremías 6:14

Snib'ej eb' sc'ub'ejel jantac yaelal syab' in chon̈ab', syalan eb' to ay junc'olal, palta man̈ yeloclaj.

Jeremías 8:11

Snib'ej eb' sc'ub'ejel jantac yaelal syab' in chon̈ab'. Syalan eb' to ay junc'olal, palta man̈ yeloclaj.

Jeremías 8:15

Ix co na' to vach' ol on̈ elc'ochoc, palta malaj tas vach' ix ac'ji d'ayon̈. A co naani to tzalajc'olal ol on̈ ajoc, palta an̈ej xivc'olal ix javi d'ayon̈.

Ez 13:16

A eb' stz'ac yaloch sb'a in checab'oc chi', aton eb' tz'alan d'a eb' yetisraelal tas tz'ac'ji yil eb' yalani. Syalan eb' to malaj tas ol javoc d'a yib'an̈ Jerusalén, aton eb' tic yed' tas syal eb' chi' sch'ox eb' ix ac'anoch q'uen taan̈ d'a yichtac pat. Palta a in val Jehová Yajal in svala' to man̈ ichoc syal eb' chi' svala', xchi Jehová.

Ez 22:28

A eb' syaloch sb'a in checab'oc, a tas man̈ vach'oc sc'ub'ejel eb', icha tz'aj yoch q'uen taan̈ d'a junoc c'a pat. Syalan eb' to ay tas svac' yil eb', syalanel esal lolonel eb'. Syal eb' to a in svac' juntzan̈ lolonel chi' yal eb', palta val yel malaj tas tzin chec yalel eb'.

Ez 7:25

Ayic ol javoc nivac xivc'olal d'a eb', ol yac' yip eb' sayan junc'olal, palta man̈xo ol ilchajlaj yuj eb'.

Os 9:7

Ex vetisraelal, van sjavi sc'ual sjavi yaelal. Ol nachajel eyuuj to toxo ix c'och sc'ual yic tze cha e tojol icha smojalil. Tzeyal icha tic: A eb' schecab' Dios, te malaj spensar eb'. A eb' cuchb'ab'il yuj Yespíritu Dios toxo ix och eb' locoal, xe chi. Tzeyal icha chi', yujto tz'alchaj e chucal yuj eb', yuj chi' schichon e c'ool d'a eb'.

Miqueas 2:11

Tato ay junoc esalvum sjavi d'ayex, syalani to malaj tas ol javoc d'a eyib'an̈, vach' ol ex ajoc, aton val jun chi' in checab' eyalani, xchi Jehová.

Malaquías 3:15

Squil val eb' syic'chaan̈ sb'a, tzalajc'olal yaj eb'. Yed' eb' chuc, vach'n̈ej tz'elc'och eb'. A eb' stec'b'ej sb'a d'a yichan̈ Dios, malaj pax yaelal sja d'a yib'an̈ eb', xe chi, xchi Jehová.

1 Ts 5:3

A d'a jun tiempoal chi' ol yal eb' anima: A on̈ tic te vach' caji, ¿toc ay tas sco na'a? xcham eb'. Palta a d'a jun rato chi' ol lajvoc el eb'. Icha tz'aj scot syail yalji yune' junoc ix ix, icha chi' ol aj sja yaelal d'a yib'an̈ eb'. Man̈ ol colchajcan el-laj eb' d'a jun yaelal chi'.

1 Ti 4:1

A Yespíritu Dios tz'alan sjichanil to ayic vanxo sjavi jun slajvub' tiempoal, ay eb' ol meltzaj d'a spatic. Axo d'a juntzan̈ c'ayb'ub'al es ol yac'och spensar eb'. Palta a juntzan̈ c'ayb'ub'al chi', a d'a eb' enemigo scoti.

2 Ti 3:13

Axo eb' te chuc sb'eyb'al yed' eb' tz'ac'an musansatil eb' anima, ol vach' b'atcan eb' d'a scal chucal chi'. Tz'ac'vi musansatil eb', tz'ac'jipax musansatil eb'.

1 Jn 2:26

Tic tzin tz'ib'ejb'at d'ayex yuj eb' sgana ex yac'an musansatil.

Apoc 2:20

Palta ay janic' tas tzin na d'a e patic, yujto tze chaoch ix Jezabel d'a e cal. A jun ix chi', syaloch sb'a ix schecab'oc Dios, palta ton̈ej syac' musansatil eb' in checab' ix. Yujto a ix tz'ac'an sc'ool eb' yic tz'em eb' ajmulal, scuchb'an pax eb' ix schi juntzan̈ noc' noc' tz'ac'ji silab'il d'a juntzan̈ comon dios.