Ex 4:7 - Chuj San Mateo Bible

⁷ Ix yalanxi Jehová chi': —Ac'xiem a c'ab' chi' d'a sn̈i' a c'ool, xchi. Ix yac'anxiem sc'ab' vin̈aj Moisés chi' d'a sn̈i' sc'ol chi', axo ix yic'anxiq'ueta sc'ab' vin̈ chi', te vach'xo icha val snivanil vin̈ smasanil.

Chuj San Sebastian Bible

⁷ 'Ix yaln pax Dios jun 'ejm xo: —'A'x 'och a c'ab' chi 'a sn̈i a c'ojol, xchi. 'Ix ya'n pax 'och Moisés sc'ab' 'a sn̈i sc'ojl cha, ax yic 'ix yi'n pax 'elt sc'ab', caw wal wach'x yilx sniwnal chi 'icha xoni.

Ex 4:7 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 5:14

Ichato chi' ix b'at vin̈aj Naamán chi', uquel ix em vin̈ d'a yol a' Jordán chi', icha ix aj yalan vin̈aj Eliseo schecab' Dios. Ix b'oxican snivanil vin̈ chi', icha snivanil junoc unin, te vach' ix ajcani.

Ex 4:8

Ix yalan Jehová: —Tato max yac'och eb' anima chi' d'a sc'ol tas tzala', tato max sc'anab'ajej pax eb' yuj jun b'ab'el ch'oxnab'il tic, yuj jun schab'il ol yac'och eb' d'a sc'ool.

Mt 8:3

Yuj chi', ix maslaj vin̈ yuj Jesús. —In gana tzach in b'oxicani, xchi d'a vin̈. D'a val jun rato chi' ix b'oxican vin̈ yuj jun yab'il chi'.

Lc 17:12

Ayic ix c'och d'a jun aldea, ay lajun̈van̈ eb' vin̈ penaay yuj jun yab'il scuch lepra. Yuj chi' maj snitzochlaj sb'a eb' vin̈ d'a stz'ey Jesús,

Dt 32:39

Naeccoti to a inn̈ej Dios in. Malaj junocxo dios d'a vichan̈. A in svac'cham anima, a in pax svac'xi pitzvoc eb'. A in svac' echnaj eb' anima, svan̈tanpax eb'. Malaj mach syal scolan sb'a d'a yol in c'ab'.