Ex 4:4 - Chuj San Mateo Bible

⁴ Ix yalanxi Jehová d'a vin̈: —Yam sn̈e noc' chan chi', xchi. Ix syaman sn̈e noc' chi' vin̈, ix ochxi sc'ocochoc vin̈.

Chuj San Sebastian Bible

⁴ Palta 'ix yaln Jehová 'ixtc 'a Moisés cha: —Yam sn̈e no chan cha, xchi. 'Ix ya'n 'at Moisés chi sc'ab', syamn sn̈e no chan cha, ax yic 'ix syamn cha, 'ix 'ochx c'occhal.

Ex 4:4 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 6:7

—Ic'q'ueta q'ueen, xchi vin̈aj Eliseo chi' d'a vin̈. Ix yac'anem sc'ab' vin̈, ix yic'anq'ueta q'ueen vin̈.

Salmos 91:13

Ol yal co b'eyec' d'a scal noc' choj, ma d'a scal noc' chan. Vach'chom te ov noc' chan chi', ma te nivac noc' choj chi', palta malaj tas ol on̈ ic'anoc.

Ex 4:3

—Actejem te' d'a sat lum chi', xchi Jehová chi'. Ix yactanem te' sc'ococh vin̈ chi' d'a sat luum, elan̈chamel ix och te' chanil. Ayic ix yilan jun chi' vin̈aj Moisés chi', ix el lemnaj vin̈.

Ex 4:5

—Yuj tas toxo ix il tic, ol yac'och eb' d'a sc'ol to ix in ch'ox in b'a d'ayach, a in ton Jehová a Diosal in, sDiosal in pax eb' e mam eyicham, aton vin̈aj Abraham, vin̈aj Isaac yed' vin̈aj Jacob, xchi.

Mr 16:18

Tato ol syam junoc noc' chan eb', tato ol yuc' junoc tas eb' to scham anima yuuj, malaj ol ic'an eb'. Tato ol yaq'uec' sc'ab' eb' d'a yib'an̈ eb' penaay, ol b'oxoc sc'ool eb', xchican Jesús.

Lc 10:19

A in tic svac' eyopisio yic syal eyem tec'tec' d'a yib'an̈ noc' chan yed' noc' sinaan, yic tzeyac'an ganar d'a yib'an̈ jantacn̈ej yipalil vin̈ eyajc'ool. Malaj junoc tas syal ex yixtani.

Jn 2:5

Axo ix yalan ix snun chi' d'a eb' vin̈ van yac'an servil chi': —Jantacn̈ej tas ol yal Jesús d'ayex, tze c'anab'ajejn̈ej, xchi ix d'a eb' vin̈.